.. #وتلاقت_الأرواح..#فاطمه_أحمد
°• البارت الرابع والعشرون °•
☆☆☆☆☆
مرات اگول
شجابك شعرفني بيك
شلون صدفه الخلتك كل هّلي..
.
.
بلعت ريكي وهمست :-شبيك؟ـ شبية؟
ـ اي؟!!!
ـ احبـچ
بلعت ريكي واني صافنة بوجهة ، همست ودكات كلبي تعلى :- مُهيمن ميصير هيج!
عيونه بعيونه وكال :- شنو الي ميصير
بهتت ملامحي وگلبي يرجف .. رفعت عيوني عليه ودفعته
ـ وخر خلي افوتـ ماتردين على حجايتي ؟؟
سكتت وبسرعة شردت من يمه بقيت واكفه على جهه ، كحيت :- انطيني السمك
انطاني وحده واخذ الثانية .. مشيت كدامه بسرعة للمطبخ خليتها بـ صينية وطلعت .. صعدت لغرفتي بسرعة ، گلبي يدك حييل
رحت غسلت اديّ و وجهي .. صفنت وبعده جسمي يرجف :- صار الي كالته نرجس! وطلع يحبني؟
زين واني؟ احبه ؟ لو شنو احس اتجاهه؟!اندكت الباب بسرعة فزيت وصحت :- يمممه
كمت فتحتها ودخلت نرجس :- شبيج عيطتي ، اجيت اخذ الخاولي اريد ادخل اسبح ..
ـ اي تعاي
دخلت تطلع ملابس من الكنتور واني صافنة عليها وهي تتحرك ، التفتت علي ، ابتسمت :- شبيج اليوم بس تصفنين
ـ مابيه دايخة من المدرسة
ـ ها ، ديلاا عمتي كالت تخلص صلاة ونصب ، اني راح اسبح انتِ انزلي شوفي اذا اكو نقص لو شي هو كُله جهزنا
ـ اوك
طلعت واني رحت لكيت زينب واكفة تخدر بالجاي التفتت الها :- مو هسه الچاي
ـ امي كالت حتى اول مايخلصون اكل يشربون چاي
ـ لا تعالي خلي نسوي لبن ونطلع التمر نفلس
ـ خوب ندز على لبن جاهز احسن!
ـ دروحي كولي لأمي وخلي تنطيج فلوس
ـ تمام
راحت واني غسلت ايدي وكعدت اسوي التمر .. نزلت الشال على جتفي لان الجو حار ، شوي واندك باب المطبخ واجاني صوته :- هذا اللبن
رجف كلبي بسرعة كمت غسلت ادية وعدلت شالي وفتحت الباب صرت بـ وجهه :- ها مُهيمن؟
ـ شبيج وجهج احمر؟
ـ مابيه ، وين اللبن خلي ابرده
ـ هاچ
انطانيا وسديت الباب نزعت الشال وحطيت اللبن بـ دولكة وحطيت ثلج فوكاه وخليته بالثلاجة ..