.. #وتلاقت_الأرواح
..#فاطمه_أحمد
°• البارت الخمسون °•
هي تدري ؟!
هي تدري سوالفي وياهة عشك ..
وكل حجينة الـ رسمي من دونةة اختنك ..؟
ياغشيمة انتِ ..
الـ هلا ..مشتاك حيل ..
والـ شلونج .. يعني أحبچ بـ لصدك ..
والـ نعم والـ شكراً .. هنا كمت اغار )..!
والـ رايحة تنامين ... أضل بـ هدومي أشك ..
أفهمي .. ما أكول الگلب واكف عليج ..
بس اذا ما نحجي ... ما أحس بي يدكك ..!
" احس الشعر انكتب الهم 🤤♥️"
( بارت اليوم طويل جداً فَ لذلك تأخر ، اعتذر عن التاخير )
التفتت عليّ :- الزمي الزمي
انطتني السجينة حطتها بـ ايدي وركضت للصالة تصيح
ـ الحكولييييي
بعدني واكفة بـ مكاني مااعرف اتصرف ودخل هِـشام مفزوع :- شكو شبيكم ..
بعده ماكمل حجايته باوع للسجينة الي بـ ايدي وركض للصاله ، شمرت السجينة وركضت ورا ..
واشوف أيدها مجروحه لحد الساعد والدم ينزل بـ غزارة .. فتحت عيوني على المنظر وهي تشهك ..
شبيها وليش هيج سوت بـ نفسها؟!
تقرب هـِشام يمها دنك يصيح :- شبيج دخيل الله شصاااار
مااحس الا التفتت وتشهك بـ قووة :- مررررتك مرررتك هي دچتني مرررتك الحية الخبيثة
كلها التفتت تباوع عليّ ، واني منزلة عيوني عليها مامستوعبة الي حجته .. صارت عيني بـ عين هِـشام يباوعلي بـ نظرات غرابة ، صرخت ابرر نفسي :- والله ماسويت شي والله هي سوت بـ روحها ذيج السجينة ، هي هي سوت بـ روحها والله هيّ
اصرخ ودموعي تنزل وعيوني على هشام الحسيته مامصدگني .. من شافتني علياء كمت اصرخ جتفتني :- على كيفج أهدي ماصار شي
بس شهكاتي تنسمع وكلها ساكته وهي مستمرة تبجي وتشگي لـ أمها ، وبعدها عيون هشام عليّ ، حاولت افلت من ادين علياء ماكدرت ..
عطت بـ وجه هِـشام :- هِـشاام لاتباااوع هييج هِـشااام ماسويت الها شي والله ماسوووويت ماسوووويت
التفت عليها وسحبها من أيدها الثانية وصاح :- جيبولها عباية ، عمتي احلام الحكيني ..
اخذها وطلعوا ..
كعدت بـ الكاع واضرب على رجليّ :- ولكم والله والله وروح اهلي ماسويت شي ..
دخل جلال يباوع للصاير ، باوعلي والتفت لـ علياء وصاح :- عليااء اخذيها لـ غرفتها خل تغسل
وكفت يمه وعيوني ناطات :- جلااال مابيه شي لك جلاالل لتخبلني مابيه شي اني ، ماسويت شي وروح اهلي ، جلاااال مو اني الأخرب خطبتك بـ سوالف المزعطه
