.. #وتلاقت_الأرواح
..#فاطمه_أحمد
°• البارت السادس والعشرون °•
☆☆☆☆☆
خسرنة اول خسارة وكلت تتعوض ..
وخسرنا الثانية .. وكلنا العتب ع حظ ..
ما ضلت بعد حجةة ..
شبعد ياروحي تترجة..!!
هاي الثالثة وبيها السكوت افرض .. !
" اعتذر عن التاخير بس غفيت واني اكتب البارت "
صفنت وبداخلي متفأجاه ، معقولة ؟؟ اني شنو سويت الها وهيج تأذيني ؟؟ شنو غايتها ؟!
بقيت صافنه بوجهه وهو يباوعلي ، الشهكه خانكتني ودموعي بعيوني همست :- شسوي ؟!
ـ هذا الشي راجع الج ، ولو تطلبين رأيي فَ مثل هالانسانه ماتستاهل تبقى صديقتج!
وكفت واني كوه لازمة نفسي لاابجي :- شكراً هوايه لوكفتك وياي دكتور وشكراً لان نبهتني على شي اني لو ابقى ١٠٠ سنة ماانتبهه اله
هز راسة ، واني عفت وركضت للحمام بسرعة طلعت شهكتي ونزلت دمووعي ، ايدي على حلكي خاف لاينسمع صوتي .. ليش ياربي شنو سويت الها وهيج تأذيني بـ شرفي؟!!
بقيت كاعده وافكر شسوي ودموعي تبجي .. باوعت للساعه صار هواي اني هنا ، كمت للمغاسل ، فتحت ماي بارد وكمت اشمر على وجهي ..
فتحت الحجاب وكمت اجر النفس احس انكطع نَفسي .. غسلت وجهي وركبتي ، مديت ايدي بجيب البنطرون وطلعت كلينيكس مسحت وجهي ..
رتبت نفسي وعدلت وجهي بـ المكياج وطلعت ولا كأن اكو شي .. اخذت زمنية ورجعت للبيت ، ماردت اواجها كبل كلت افكر ..
ياريتني طلعت كل غضبي بيها بذاك اليوم وخلصت من شي اسمه سنا بس ..
، رجعت للبيت وكعدت اساعد أمي إقبال بـ الغده .. لحدما صار الليل .. مخليه ورقة كدامي اريد ارسم شي يمثلني اني علياء .. يمثل الي صار بيه اليوم !!
صارت صوت هزاز الموبايل وهو يتصل التفتت واشوف هشام يتصل كامرة .. عدلت كعدتي وفتحت الكامرة واحاول اخفي حالتي بـ الابتسامة :- هلا شومي
ـ ادبسزز المكان هدوء تردين تفضحيني ههههه
ـ يلزكون بيها هههههه
ـ يبوو ، غير تطير الهيبه
ـ عاد بـ هاي صدك
صفن بوجهي وكال :- شدتسوين ؟
رفعت الورقة والقلم وكتله :- ارسم ..
ـ اها ، اشو الورقة فارغة؟!
ـ اي بعدني افكر
بقيت اكلب بالورقة ، رجعتها لمكانها وجريت حسرة والتفتت اله بـ ابتسامة ، باوعلي وعقد حاجبة :- علوة؟! شبيج؟شصاير وياج
ارتبكت من كال هيج واني اعرف عيوني فاضحتني ، حجيت بـ خنكة :- مابيه شي ..
ـ بـ روح امي؟
