.. #وتلاقت_الأرواح
..#فاطمه_أحمد
°• البارت الخامس والأربعون °•
ليليّة الوجع يلتف على ضلوعي
وافك باب الصور
وتطيح منها طيور...
ليليّة الوطن يتسودن بـ راسي
شمع و گبور…
ليليّة بخلگ نجمة
بـ وجه شبّاچ اتانيكم
وارد وجه الصبح مكسور
هز راسه وذب نفس :- الامانه الي تتأمن يمي ابقى محافظ عليها لأخر يوم بـ عمري ..
حجاها والتفت لـ هشام :- وليدي لكيت حل اتمنى ترضى عليه
رفع حواجبه مستغرب :- كول يااابه ..
خالد ـ اني قررت اخطب الك بنيتي فُله ...
فتح هشام عيونه متفاجئ ومصدوم ، وكفت فُـلة رافضة وتشمر اديها بـ رجفة وصوتها مخنوگ :- لااا عمووو لااا عفية لاتخليني بـ هيجي موقف عوفني اروح لـ خالتي الله عليك
دنگ بابا يهز راسه ويباوع لـ هشام الي اتخذ السكوت جواب اله ..
خالد ـ عليااء بابا اخذي فلة واصعدوا احجوا فوك
باوعتلها وسحبتها وهي تباوع لـ أبوية بـ نظرة عتاب .. طلعنا واسمع جلال نكز :- ياابه شنو سويت ..
اخذتها فوك وهي ترجف ، اول مادخلنا الغرفة شهگت وكعدت تبچي :- عفية كولي لـ عمو خالد مااريد عفية لاتجبروني كافي هموم الدنيا عليّ بـ روح امج عليج اقنعي يغير هالفكرة لجج هشاام هششام!!!!
حجتها ودنگت تبچي ..
حضنتها واني أهمس يم اذنها :- لج مااعرف اني تفاجأت بس شبيها لو تزوجتوا أنتِ وهشام ..
قاطعتني وهي تخلي ايدها على حلكي :- لجج اشش اشش عليااء ااششش فدووه كافي تعبت كافي ماعندي طاقة لـ مصيبة ثانية كافيي
دنگت تبچي إلا أن تعبت من البجي وماحست على روحها من غفت .. وهاي صارت عدها حالة نفسية بعد وفاة اهلها من تتعب او تنقهر مباشرةً تنام ....
نزلت يم ابوية وهشام وجانوا بعدهم يتجادلون ..
هشام ـ يابة البنية ويانا من سنه ونص قبل هسه شنو التغير هسه طلعت سالفة صخام الزواج!!
ـ لك ابني عليةةة هاللعب؟ لك لوما هي اول الناس تتصل عليها وانتَ بـ نص الحرب ، تتصل عليها وتسأل على اخبارها حتى قبل لاتخابر ابوك .. ولك لو ما صارلك شكدد ماجاينا ومن سمعت اجت لهنا انت ثاني يوم نزلت .. ابني يمكن تكول مابيناتنا شي ومن هالكلام واني وياك .. بس اكو شي گلبي يكلي انت لـ فلة وفله الك ياابني اكو مشاعر اتجاهه بـ گلبك .. وابصم الك بـ العشرة .. بعد؟
ـ ياااابه ..
استغفرررر الله ربيييي
ياابه شنو هالكلام هسه لا بيناتنا شي ولا بـ گلبي شي الها
ـ زين عوف المشاعر على جهه ، تزوجوا على الورق
رفع راسه جلال :- شنووو يابه دور على الورق؟البنية صايره لعبة بـ ايدكم كل شوي مقرر شنو حياتها خلوها تعيش طبيعي وهي تقرر بـ نفسها
