اول ما نوينا نعيش
طبينه بدرب بيه موت وتوفت ملامحنا 💔
..
.. #وتلاقت_الأرواح
..#فاطمه_أحمد
°• البارت السادس عشر °•
☆☆☆☆☆
ابتسم وسحب الكرسي وكعدت بصفي :- اريد احجي وياج بموضوع
ـ اممم كول!
ـ بالبداية يعني لاتفهميني غلط بس هو اريد أخذ رأيج وأنتِ شتقررين على عيني وراسي
ـ خوفتني
ـ لاتخافين
ـ دكووول مو شلعت كلب كلبي
ـ اريد اتقدم الج على سنة الله ورسوله ..
وكف الكلام بـ بلعومي .. صفنت بوجهه وابتسمت :- عمرر !!
ـ عيوني
ـ انت ماتكدر هيج تفاجأني بهيج طلب؟ تتشاقى صح؟
ـ لا حقيقة .. بالاخص وجودونا بيت واحد ، خلي نكمل هالعائله! واكون من منكم وبيكم من صدك
ـ عمر انت منا وبينا وإذا سالفة البيت احنا فتره ونرجع تره اني بقيت علمود دراسة علياء
ـ مو مهم كل كلامج .. اريد رأيج حتى اتقدم
ـ ماادري فاجأتني كلش !!
ـ يعني شنو اسوي هسه؟
سكتت وصفنت بوجهه كلبي ينتفض ، تسارعت دكاته ، نزلت راسي وهمست :- شوف رأي خالد اذا هو وافق اني موافقه
عفته وكمت صعدت لغرفتي .. حسيت جسمي صار نار من الخجل شنو سويت اني ؟؟ شبهه انطيته الموافقه !! تلمست وجهي نااار وكلبي يرجف ..
دخلت للحمام غسلت وجهي بـ ماي بارد .. صار الاذان توضيت وصليت وبقيت كاعده على السجادة ..
شلون اروح اشتغل طبيعي كدامه وهو اليوم معترف الي يريد يخطبني !
رحت لأمي وتمددت بحضنها جانت كاعده تقرة اذكار :- يممه تعبانه
ـ سودة عليه بنيتي يمه سلامتج؟
ـ جسمي ديرجف .. تعباانه
ـ شبيج يمه الصبح شحلاتج تدرسين بـ علوه وصوتج واصل لسابع جار ..
ـ ماادري
سكتت وبداخلي حجي ، بقت امي تمسح على راسي وتقره آيات خلصت وهمست :- يووم
ـ ها يبعد امج
ـ عمر حجه ويايه يريد يتقدملي !
ـ صدك والله!!؟
ـ اي
ـ وشنو كلتي اله؟
ـ كتله شوف رأيي خالد
ـ ها ، اي هو خوش ولد وهم كاعد عدنه وأنتِ غريبه علي ، هيج وصدك تصير قسمتكم
ـ يمه بس اني خايفه مدري شبيه!!
