.. #وتلاقت_الأرواح
..#فاطمه_أحمد
°• البارت السابع والأربعون °•
هي قبلتي إن قيلَ حيّ على الهوى
هي في غروبِ الروح تبقى مشرقِي .
مااحس إلا طگ الاستكان واني لازمته ، الچاي صار كله على ايدي واني صرخت بـ سكوت :- ااااخ
ـ شنوو شبييج فُـلاا شبييج!!
اجه يركض واني انفخ على ايدي مااكو احس نار اشتعلت بيها ، حجيت بـ صوت مخنوگ وبجيت :- ااايدي ايددي احتررركتتت اااخ
سحبها يهفي عليها غسلها وسحبني كعدني بـ الصالة وركض جاب عصارة حروق .. دَهن ايدي ولفها بـ الشاش ، خلص وباوعلي ، همس :- هسه تصير زينة ..
ـ خاف تتشوه وتصير مَحلووه؟؟
ـ لا يمعووده
ذبيت حسرة بـ حزن وهو رافع ايدي ينفخ عليها بـ هدوء ، رفعت عيوني عليه وصافنه على اهتمامه بيه ، انرسمت شبح ابتسامة على وجهي وهو مدنك مايشوف ..
دنگت وحسيت بي من رفع راسه يباوعلي نَفَسه يضرب بـ وجهي وعيونه عليّ همس بصوت هااادئ :- شلونـچ هَـسه؟
همست وصوتي يرجف من قربه :- ز..يـ... زينه
ـ شبيج ترجفين؟
ـ ما ارجف
دنگت متوتره وجهي اشتعل ناار التهيت بـ نظراته ونسيت وجع ايدي .. كام غسل واجه وبيدة باگيت عصير :- اشربي جسمج يرجف
هزيت راسي واخذته وهو كعد كبالي يباوعلي .. من التوتر مااكدر احط عيني بـ عينه ..
بقينا فترة هدوء إلا أن دنگ وهمس :- اسف ولچ مو هسه تبقين تسبسبين بيه بـ گلبج
ـ ههه لا يمعوووود
طگها بـ ضحگه طلعت من گلبه وضمها بـ ايده .. همس :- باجر بيج حيل تروحين لو لا؟
ـ لا خلي نروح خطية صديقك
ـ ههه
بقيت شوي كاعده إلا أن صارت زينه وكمت اريد اسوي اله من جديد كال عوفي اني اسوي ..
عفته وصعدت .. نكتت فراشي ورحت للكنتور غيرت لبسي لـ دشداشة قصيرة لونها وردي فاتح .. عمتي ماقبلت ارجع على الاسود بعد العقد ..
الجو بوخه وحار والسبلت يشتغل بس حتى مايلحگ يبرد .. فتحت خانة الملابس طلعت الي لبس لـ باجر .. فستان خردلي طويل وارداناته بڤ .. وطلعت وياه شال مشچر ..
وجنطة لون اسود ..
دورت على الكعب الاسود مالكيته كلت الصبح اطلعه
تمددت انام وبقيت أفكر بـ الي صار ونظرات هِـشام ابتسمت لا أرادي ..
وحلمت بـ حلم ماعرفت تفسيرة ..
كاعده بـ البيت مال اهلي وحدي وصافنة بـ الفراغ .. اجتني امي تبتسم ، فتحت عيوني وركضت الها :- يمممه اجيتي؟ راح تاخذيني وياج؟
