وتلاقت الأرواح

البـارت التاسع والعشرون

.. #وتلاقت_الأرواح

..#فاطمه_أحمد

°• البارت التاسع والعشرون  °•

☆☆☆☆☆

بقيت امشي والتفتت بـ طرف عيني ، لكيته ورانا يتمشى بطيئ ، متت بـ دمي ، هذا لحكنااا !!!

كل شوي عيني تندار اباوع اله واتعثر ،  اجيت اوكع ولزمني هشام من ظهري  :- الله الله يمعوووده سلاماات

ـ خل نكعد شطوله الطريق ..
ـ تعالي
وكفنا يم محل عصاير التفت هشام :- شنو تريدين؟

ـ عصير بطيخ

نزل عصاير النا واخذ سفري لأهلي .. كعدت اشرب وفاتت بنية كدامي باوعت هاي شايفتها ويين؟
بقيت اباوع عليها وكفت تسولف وي الولد الي شفته بالمصعد الكهربائي ، طبگت حواجبي متفاجأه :- شنو هاي؟!

صفنت واني احاول اتذكرها ، التفت هشام الي وهو يدفع الحساب :- يالله يابه كملي هو عصير شطلعت هاي

ـ اي تشوف روحك بـ شفطتين خلصته

ضحك صفح :- يلا انتظرج بره
طلع بره المحل يدخن جگارة ، بعدني اباوع للبنيه التفتت الي وابتسمت ورجعت التفتت لاخوها مدري شنو كالتله وهو رفع راسه حسيته انصدم ..

واني صدمتي صارت اكبر من تذكرت هاي البنية الي جابت الخبز لـ بيت عمتي يطلع عمرها بالـ ١٧ سنة هيج .. يعني هذا اخوها الي خاطبيني اله !!

اااخ عمه كشفت مخططج واني اكول جايبتني للمول بـ ثمانية بـ الليل تالي خطة حتى يشوفني ..

كمت متنرفزه وخجلانه بنفس الوقت ، ماكملت العصير .. طلعت وحجيت بنتر :- يلاا

ـ وسم شبيج

ـ لاتغلط هشاام

نزل الجكارة وسحكها برجله، رفع راسه الي :- شبيج

ـ هاي عمتي وامي اقبال من يتفقن ينظمن اكبر خطة مو عقل طركاعه ، دمشي

ـ غير نفتهم

ـ جايبين الولد الي يخطبني هنا عرفته من اخته الجابت الخبز

ـ عليج العباس ، تحجين صدك؟؟ وينه؟؟

ـ راح ماكو ..
ارتبكت واني اجذب لان جانوا بعدهم موجودين بس ماردت تصير مشكلة وهشام مايتفاهم ..

رجعت كعدت وي اهلي وهشام سولف لأمي اقبال ، ضحكت :- وعلي سوالف عمتك اني معلي

ـ ديالله يعني البنية ماتريد كوه هي ..

رد أبويه :- كافوا عوفوا البنيه بـ راحتها وأنتِ بنيتي احجي وي عمتج وفضي السالفه

هزيت راسي ، باوعت لـ جلال صافن ومايشارك بـ الحديث ، اشرت اله بـ راسي ضحك والتفت ..

رجعنا للبيت بـ الطريق وندست هشام بـ ظهره :- نزلني عد عمتي جنة اليوم ابات يمها ..

ضحك وابوي التفت يحجي ويا :- بعد شيسكتها اختك ، بوية لاتفشلينا هههههه