آني وين
وإنتِ وين
شجابها اللحظة تدگ باب السنين
الگاطع
..
.. #وتلاقت_الأرواح
..#فاطمه_أحمد
°• البارت الثالث عشر °•
☆☆☆☆☆
ـ بابا مو اني من استلمت النتيجة مالتي لكيت واحد بغرفتكم ومن راد يطلع عمه داليا باسته بخده وهو كرصها وبقى يفتر بالبيت
ـ شنووووو ؟؟؟؟؟؟
مااحس الا وكع شي بالمطبخ .. بابا بسرعه دفر الميز وركض عليها لزمها من شعرها .. جانت واكفه باب المطبخ و واكع منها كوب
ـ لج شنووووو هذا الي كاااعد تحجي علياء
ـ جذابه ، طفله انت تصدك طفله ، ااخ ، خالد لاتصدكها يمكن تكرهني لان اخذت مكان امها اااخ خالد شعررري
ضربها راشدي وبقى يضرب بيها إلا أن طك خشمها دم دفرها وبقى يغلط ويفشر وهيج من اهلج وهيج من اصلج ركض للكنتور جر ملابسها وشمرهن بالكراج
وصاح :- برررررا اطلعي بررره لاارتكب جريمه بيج هسه والقرآن اطلعيييي
ـ فدوه ابوس ايدك ، جذابه بنتك حيه طالعه على امها
ـ اكسررررر راسج كلبه لاتجيبين طاري أمها على لسااااانج .. لجج رييييم تسواااااج وتسوى عشيرتج
ضربها مره ثانيه وجرها من أيدها شمرها بالكراج
:- أخذي غراضج وطلعي برررره كافي فضايح بررره
سد باب المطبخ وكعد على ميز الطعام يفرك براسه .. طلع حبوب شربهن وكل ايده وجسمه يرجف .. وهي تدك الباب وتصيح وتبجي ، فتحه وعاط بيها :- والخلق الكون إذا مارحتي هسااااا ، اشمرج بنص الشااااارع
طبگ الباب وهي تبجي .. سمعنا صوت الباب انطبك يعني راحت ..
اني بحضن هشام وابجي واناشغ ، رفع راسه شافني خايفه اشرلي بـ ايده تعالي ، بدون صوت
ركضت لحضنه واني ابجي :- بابا والله اسفه ، لاتضربني بابا اني والله ما كذبت والله وروحها لماما
ـ اششش بنيتي اشش كافي ، اهدئي
ـ خايفه بابا لاتضربني
ـ مااضربج ، روحي أنتِ بابا
حضنته حيل وبسته بخده شالني واخذني لغرفته ماحسيت من نمت .. بس فزيت بالليل محصوره باوعت بابا كاعد بالكاع يفرك براسه وعصبي .. ومطلع صور هوسه الغرفه
همست بخوف :- بابا
ـ ها باباتي
فز من مكانه الي :- ها حبيتي شبيج شنو محتاجه
ـ اريد الحمام
ـ تعالي ، امشي
نزلت اخذني للحمام وبقى ينتظرني بالباب .. خلصت وطلعت لكيته منتظرني رجعت نمت .. وهو تمدد بصفي يبوس بـ راسي همس بلا واعي عباله غفيت :- صايره تشبهين امج حيييل ، ااااخ كلبي
