.. #وتلاقت_الأرواح
..#فاطمه_أحمد
°• البارت الثالث الخمسون °•
دليني اليحب شيسوي لو تآه ..
يَـ محلآه التحبه وتڪعد ويآه !!
طآلت غيبتك شنحط لـ العيون ؟
مآ منك خبر منآنه منآ ..
رد ليه يَـ المآبعتك
صآر هوآيه مآ شفتك ،
دليني اليحب شيسوي لو تآه ؟
فُـله :-
واكفه احضر الريوك واني اتثاوب .. ميته نعاس بس كلت خطية مااعوفه وحده يسوي ريوك ..
حضرت البيض والمربى والاجبان .. وكعد يتريك اني صبيت بس كوب چاي حتى افتح ريگي .. التفتت عليه وانتجيت على الكاونتر
ـ تجي على الغده؟
ـ اي أن شاء الله اذا اكدر وإذا مااجي انطيج خبر واخلي إبراهيم يجي ياخذج لـ خالتج ..
ـ تمام .. راح اكعد انظف البيت مااروح الها هسه
هز راسه وكمل ريوك .. غَسل ولبس ملابسه وفرش اسنانه باس خدي وطلع ..
دخلت للبيت نظفته وحضرت الغدا بس ماخليته على النار بس حَضرته .. ورجعت نمت ..
فزيت على صوته بـ المطبخ ، طلعت من الغرفة افرك بـ عيوني ، يخدر الجاي ويفتر ويغني :-
♪♪ اول مره تحب يا قلبي وأول يوم أتهنى .. ♪♪
ـ صباح الخير
ـ صباح الظهر!
ـ ههه حلو خوش تقصف .. شنو اليوم عبد الحليم؟!
ـ سمعتها ولزگت بـ مخي
ـ اممم .. شدتسوي؟
ـ اخدر الجاي
ـ ماتريد غدا
ـ ترا الساعه بـ العشرة!
ـ وشعجب طلعت من وقت؟
ـ كوا سحبت روحي .. خليت صديقي بـ مكاني ودبرتها
ـ همزين حتى نكعد سويه شوي وتسولف
ـ هيج مشتاقتلي!
ـ اممم
تقرب عليّ حصرني يم الباب ، ابتسمت تك خد :- هِـشاام!!!
ـ گلبـي
ـ تحبني؟
ـ انا اتنفسـچ خبله!
ابتسمت وعيوني ترمش .. باس نهاية خشمي بين حواجبي وعيوني :- فُـلايتي؟
ـ هِـشاامي!
دنك عيونه عليّ مبتسم :- جديده هاي؟
ـ طلعت هيجي
ابتسم وجر ايدي للغرفة ..
.
.
.
عـلـياء :-
حاضنة ابني وعيوني تبجي .. بعدما مرت أسابيع كدرت احضنه بين اديّ اليوم .. وجهه ابيض و اديه ناعمه وصغيرونه ..
