.. #وتلاقت_الأرواح
..#فاطمه_أحمد
°• البارت الخامس والعشرون °•
☆☆☆☆☆
لَحظة لا هذا الدَرب بـي ذكريات ..
يعنـي من دون الطرق !!
من دونها !!
كون ذيچ الشجرة تنكص وتموت
وكون هاي المَصطبه يشيلونها ..
" السلام عليكم .. بعد ماتخلصون البارت اكو بارت ثاني احتمال ينزل ساعة ٢ أو ١ بالليل .. جاي اكتب بيه اذا تريدوني تنتظروني ♥️"
فله : دخل مُهيمن للبيت ومااسمع بس الـ هلاااا ، التفتت نرجس :- عاابت هذا شبي بس يخوزر
استغربت حجايتها .. درت وجهي عليها بـ تساؤل :- منو .. وينه؟!
ـ دَخل ماشفتي ، بس يباوع للسيارة ويخوزر عباله بنات ... استغفر الله
ـ خب دعوفي هو و نيته يطبة مرض
ويين صار مُهيمن بالله هاي سالفه!!
بقينا فوك الـ نص ساعة كاعدين بـ السياره ، طلع مُيمهن وركب السياره ، التفت علينا :- ها بنات اعذروني تاخرت عليكم
نرجس : يمعود هسه انحبسنا عادي ، صديقك هذا شماله بس يخوزر
ـ ولجن لا هو هيج طبيعة عيونه .. حتى من يضحك عيونه مخنزرة من كدما كبار
فله : صدك تحجي؟!
مُهيمن ـ والله
فله ـ ديالله رَجعنا للبيت متنا تعب
ـ هيج مستعجله للبيت ست فله؟
ـ هههههه اي غير تعب الامتحانات ، وإذا فرفشت وشبعت نوم بالليل نجي الكم ، ابوكم خوما موجود!
ـ لا مسافر
حجيت بـ گلبي عفيه سفر ، رجال ٢٤ساعه مسافر .. ولا يكعد بـ هلبيت!!
.. رجعنا لـ بيتنا واستلمتني أمي تحقيق ( مجاوبات؟شلونها الأسئلة؟ شكد تطلع درجاتكم؟ ووو
اختصرت عليها كلشي بسرعة وبست راسها وصعدت للغرفة ..
ركض للحمام شغلت السخان ودخلت ، الماي دااافي ينعس .. استرخيت ومنا الحمام انترس بخار ..
فتحت الباب ومديت راسي صحت لـ نرجس ، اجت وخاوليها على راسها سابحة بـ الحمام الجوه ..
ـ اكلج جيبيلي شَكر وزيت زيتون
ـ شتسوين بيهم؟
ـ دجيبيهم
راحت وره شوي جابت بـ كاسة خابطه الزيت والشَكر .. والحمام بخار وجهي انفتحت المسام ..
سديت الماي ، واخذت بـ ايدي من الخلطه وكمت اقشر بـ وجهي إلا أن حسيت نظف وصار ناااعم ..
قشرت باقي جسمي بي .. وفتحت الماي غسلت زين بـ غسول جسم وطلعت من الحمام ريحة الغسولات تنعش ..
بسرعة شسورت شعري .. وبدلت وتمددت واني دايخة ونعسانه ، دخلت نرجس :- ها شنو نمتي؟
ـ راسي صاير هالكبره من الفيزياء عوفيني انام .. دور الحمام حار ودافي وي برودة الجو تنعسين
