ورَجوتُ عيني أن تكف دموعها
يوم الوداع نَشدتُها لا تدمعي
أغمضتها كي لا تفيضَ فأمطرت
أيقنتُ أني لستُ أملك مدمعي
ورأيتُ حلماً أنني ودعتهم
فـَ بكيت من ألمِ الحنينِ وهم معي
مُـرٌ عليَّ أن أُودعَ زائراً
كيف الذين حَملتهم في أضلُعي ؟!
.. #وتلاقت_الأرواح
..#فاطمه_أحمد
°• البارت السادس والثلاثون °•
صدمة فوگ صدمة .. وضربة تتليها ضربة ..
وكعت خاوية .. غريبة بـ وسط ديرة ما الي الخير بيها ..
اسحب النفس بـ صعوبة ، واناشغ ودموعي ناشفات على خدي .. فتحت عيوني
عمليتي مفتوحه وصاير عندي نزيف ..
اباوع على المكان الي اني بي .. باارد وي نار گلبي متناقض ..
رفعت عيوني واني اتفحص المكان .. فارغ مابي حتى باب ، زين اني شلون دخلت؟
كلشي مابي غير ضوه ضوا ضعيف ومنتهي .. وكاع صبابه برودتها تـصل على الجسم ..
كرفصت ودموعي تنزل :- يـووم تسمعيني؟ گلبج يحسج من اتأذى اني اعرف ، زين تعرفين اني وين هسه؟ يمه شسووا بيكم يممه؟
دنگت وشهگت :- بابا حبيبي وينك مو كتلي أنتِ قوية، يااااابه ، يابه قوتي بيكم استند بيكم مو بلياكم!
وينكم عني؟
حبيب؟ علاوي؟زنوبه؟ ونرجس وغدير ورقاوي ؟ وينكم ولا واحد يحس بيه ويحن الي ويجي يطلعني منا ؟
وين عفتوني وين اني تهت بيا مكان ؟ بيد ياناس؟
جاي اتأذى ياابه جاي اتأذى ، القوية الجنت تكول عليها ضاعت ياابه سلبوا راحتي بـ غيابكم ياابه
صارت طگطگه فوگي ، رفعت راسي واشوف مربع مثل الباب مااكدر اوصل اله بعيد
وكفت واني صافنه ، اكو احد فوك ، انفتح الباب ونزل درج حديد ، رفعت راسي ونزلوا ، جبار وذاك الي شفته بيت خالتي؟
يعني هذول همه؟ عمام امي؟
نزلوا وراهم اثنين هم ، بلعت ريك ودموعي تنزل :- شتردوووون مني ياجبنااااء ياسااافلين حقرررراء
مااحس الا راشدي طيحني بالكاع ، طحت على وجهي احس خشمي انكسر .. رفعت راسي وشهگتي تعلى ، صاح بـ صوت خشن :- واخيراً سهلتي علينا الطريق وكدرنا ناخذ ثار امج بعد سنين .. والله وعاشت نديوووه
ـ تخسااااا تجيب طاري امي على لسااانك لكككك حيوووووووان
راد يضربني ، جرني من ايدي جبار وهزني هز :- احترمممممي نفسجججج للللللجججج
تفلت بوجهه وهذا ضربني على بطني .. طحت بـ الكاع ولازمة بطني اتلوى من الوجع ..
التفت ماجد لـ واحد من الواكفين :- جيبولي كرسي وعباية لهلمصخمه خل أعقد الهم
هو كال هيج واني بـ كعدتي صررخت :- لووووو تموووت مااتزوج حيوووووووان منكم كلكم ****** و .. قاطعني وهو يدفرني بـ قندرته على وجهي ..
