روحـَي ياروحـُي شبعّد بيهـٰا وألمهـَا ..
روحـَي داسـُوا فوگهـٰا وكسروَ عظمها !
كاظم إسماعيل الگاطع 🤍
..
.. #وتلاقت_الأرواح
..#فاطمه_أحمد
°• البارت الثاني والعشرون °•
☆☆☆☆☆
الجو مغيم وبيها مطرة .. طلعنا من الكلية نركض وماكو تكسي .. اتصلت بـ ابو الخط مايجاوب .. بقيت اتمشى عسى ولعل الكى تكسي ..
اتصلت بـ بابا وبلغته ، كال :- عشر دقايق واني يمج ..
بقيت واكفة بركن شارع .. وبدت تصير عواصف ، ومطرت مطر قوي ..
بقيت واكفة واتلفلف بـ الجاگيت الجلد .. مااحسيت الا واحد سحبني من وره واخذني جر وهو ساد حلگي .. مااكدر التفت واشوفه ..
بقى يسحبني واني صرختي مكتومه بـ ايده ..
بقيت ادفع برجليه اريد اخلص نفسي ، ماكدرت
شمرني بـ هيگل بيت جديد
بسرعة التفتت اريد اشرد ودفعني على حجارة صارت الضربة قريب حاجبي ..
باوعتله وعطت :- منووو انت شترررريد ، عوووفني ، عوووفني حقييير
ـ هه ، اني ماجبتج لهنا حتى اعوفج
والله أنتِ حلوه ، خوش لگطة!
ـ ياحقير يازباااله يابلا شرف عوفنيييي ، ساعدوووووني
دفعني على الحايط ، وبده يتقرب ويمسح على لحيته .. واني ارجف وارجع ليورة واصيح وبلاعيمي مجروحه :- عوووفني
تقرب مني وجر الحجاب ، واني بقيت اعيط ولازمه شعري اغطي بيه :- حقيييير ، نذذلل ،
حاوطني بقوة وعصرني بين اديه ، واديه تنزل لجسمي بشكل قذر ، بشع ، ادفع بـ ايده ويرجع يلزمني ، لزم ادية اثنينهم من المعصم ورفعهم على الحايط ، حط وجه على وجهي وغمض عيونه ، بقيت ادفع بي واسحك برجله ، واحاول اخلص نفسي ، يتلمس بشفتي ويحجي كلام بذيء ..
دموعي تنزل والشهكه مافاركتني واصيح بصوت مبحوح من الصريخ :- عوووفني حقييير
عفية عووفني فدوووه لاتاذيني ، بداعة اهلك بداعة امك عوووفني لاتاذيني الله عليك
بديت ادوخ واريد اوكع .. حاولت اقاوم حتى لو مااكدر اريد اخلص نفسي مااخلي ياخذ الي يريده مااخلي يمس شرفي لو يكتلني هسه
بقيت ادفع بي وهو يشدني اكثر لجسمه ويتلمس ، و وجهه بركبتي ، بقيت اشهك واتوسله :- الله عليك عوفني بداعة خواتك بداعة امك عوووفني لاتاذيني
فدوووه
بسرعة اختل توازني ووكعت بين ادي ..
بين الواعية وبين النايمة فززني صوت التلفون ، رفعت راسي يوجعني ثكيل ، بسرعة اجه على بالي الصار بقيت اتفحص جسمي ، مامتقربلي؟!
راح وعافني؟؟
