بس اسمك گبالي ومو حروف سيوف
هاي سنيني لأسمك نذر مذبوحه
معقولة احبك ادري يعني يصير
سري بدمعة اضمة وهيه مفضوحة
فهمني دخيلك كمت اشك بالروح
تطلع مو اليه عيوني مشبوحة .
.... #وتلاقت_الأرواح
..#فاطمه_أحمد
°• البارت الثامن عشر °•
☆☆☆☆☆
حجيت واني مغندبه :- شفتي امي شسوت اليوم شمرت الها حجاية اااخ
ـ هههههههههه مال مهيمن من جان يريد يتزوجج؟
ـ لج ايي ، والله فشله
ـ لا عادي ، سوالف جهال ، بس خوفج من شي ..
ـ شنوو ؟
ـ لا يطلع هالشي صدك ولحد هسه يحبج!
ـ لا ولج نجبي
ـ صدگي ماشفتي نظراته الج؟ ومن باجي كالت هيج صاار احمممر عبالك طلع سره
ـ لاتخربطين مشاعري نرجس!!
ـ وشبيها ، يحبج وتتزوجين بـ ابن خالتج تره حلو عالاقل شخص تعرفي
ـ لا ولج صح علاقتنا قوية بس مامره فكرت بي زوج الي .. حتى بـ مراهقتي ماحبيته ، هسه افكر بي
ـ هههههههههههههه ، ذكرتيني بـ مراهقتج ، تتذكرين من حبيتي ابن الجيران وره فتره شالوا وبقيتي تبجين اسبوع .. عزززا يمممه بطني اخخ ههههههههه
شمرت المخده على راسها وصحت :- انجبي وچ نجيرس انجبي كافي عليّ فشلة اليوم ، تذكريني بـ مراهقتي ليييش
ـ خبااثه هههههههههههههه
ـ ديالله نامي .. باجر لازم نقره عدنا امتحان
ـ اي خوش شفتي هالذكرتيني بـ أكثر شي اكرهه ، اخذتي بـ ثارج
ـ انطمري كاافي
.. تمددت ونامت ، واني بقيت كاعده صار عندي ارق من التفكير ، ماعرفت انام لحدما دگت الساعه ٣ يالله غفيت ..
فزيت على واحد يدفر بيه ، رفعت راسي شفتها نرجس تصيح :- وچ اكعدددي ساعة صارت ١٠ وأنتِ نايمه وچ ورانا امتحاااااان
ـ خـ** بيـج وبـ امتحانج ، لج صدك تحجين؟ هو هيج الي يكعد
ـ باجي كالت هخخهههه ديالله كومي يالله مانلحك
ـ اييييي
راحت ترتب فراشها واني نزلت اتثاوب والبجامه مرفوعه والكفشه .. اجتني امي :- ولچ ليش نايمه لهذا الوكت وراج دراسة
ـ يمه وعلي نعساانه ماكدرت انام البارحه
ـ زين يالله بسرعه تريگي وصعدي ادرسي ، لاتنظفين البيت مابي شي
![](https://img.wattpad.com/cover/276775147-288-k779435.jpg)