عـريان يكول :
طشت اسنين المحبة
ومن بگاياهن شلم
مرة تغفه جروحي بيه
ومره احن وانلچم
..
.. #وتلاقت_الأرواح
..#فاطمه_أحمد
°• البارت الثاني °•
☆☆☆☆
كالذي يعاني الاختناق ولايستطيع توصيل كلمه للشخص المقابل .. هكذا انا بين الحين والاخر لااعرف كيف اصل شعوري ومايجول بداخلي !!..
فزيت على صوت الشباك وهو ينسد فتحت عيوني بصعوبه على اثر ضوء الشمس والنعاس الي يحاوطني منعني اشوف منو الي سد الشباك عدلت كعدتي وباوعتلي امي مبتسمه بحزن وداخلها همووم مكتومه ..
صبحت عليها بابتسامه :ـ
ـ صباح الخير يوم
ردت الابتسامه وهي تكول :
ـ صباحج نور بنيتي يلا كومي الساعه 9 لاتخربطين نومتج وباجر وراج دوام
جاوبتها بتثاوب ونعاس :
ـ تمام يوم دقايق واجي وراج لاتتريكين وتعوفيني
التفتت علي وهي تطلع :
ـ الشباك بعد لاتفتحي شوفي حتى صوتج رايح ، الجو بعده بارد !
ـ تمام
طلعت واني رحت غسلت ونزلت اتريگ وياها ..
بعدها بدأ الروتين الاعتيادي .. تنظيف الصبح واليوم اقتصر على الكراج وغرفتي وغسل الملابس والكوي ..
خصلت الشغل وتوجهت لدراستي .. لليل كملت كلشي ونزلت اتعشى واصعد صحن فاكهه للتعلوله ..
نزلت بهدوء للمطبخ حميت الاكل وطلعت للصاله .. قبل ماادخل توجهت للبراد الي بالممر الفاصل بين الصاله والمطبخ .. تقربت اشرب ماي وسمعت همس بابا وماما وكلام مو مفهوم .. تقربت اكثر بدون مابين وسمعت :-
داكولك اخاف عليها ماعندي نيه اخسر بنتي الثانيه علمود شي تافهه
وبابا يجاوبها :-
ـ يا مره شنو التافهه هذا زواج! وبالنهايه هذا الشي المعتاد عليه ، ونهاية كل البنات الزواج والله امرنا بي ليش تمنعين!!
بعدين لاتقارنين الي صار بالمرحومه بـ زواج ندى ، رجاءاً خلوود اذا ماقنعتيها انتِ اني اقنعها؟!
ردت علي بـ حده :-
ـ وليش اقنعها يعني لازم تتزوج اووف اووف ..
جاوبها بـ غضب وهو يضغط على سنونه :-
ـ لج لاتخبليني الولد خوش ولد وهذا رقم شكد الي تقدملها وجاي ترفضي كل مره نفس الاسطوانه وامشي وره كلامج بس هالمره لا .. ندى كبرت وتستحق زواج ومو عيب ولا حرام اذا تزوجت والقشمه خووووش قسمه اي ليش تمانعين ؟؟؟؟
سكت منتظر ردها ومن ردت علي بالسكوت كمل كلامه :-
خلي شي واحد ابالج ان احنا طلعنا من ذيج المنطقه وذيج المحافظه بس علمود ندى ولو احنا بعدنا هناك فـ للان محد متقدم الها !!
جاوبته بـ غضب حاد وهي تحجي من بين اسنانها :
ـ ماطلعنا من ذاك المهجوم الا حتى نعيشها صح! بس مو حتى يوكفون الخطاب على بابها لان هي مامعتازه شي حتى نفكر بزواجها هالدرجه ، كل الي جاي احاول اوصلكياه البنيه صغيره واني اريد اشوفها تكبر وتتوظف وتعيش حياتها بعيداً عن ظلم وعادات وتقاليد لو زواج واطفال ويضيع عمرها مامفتهمه شي من حياتها انتظر بعد خليها تكبر ؟!
