وتلاقت الأرواح

البـارت الثامن والعشرون

.. #وتلاقت_الأرواح

..#فاطمه_أحمد

°• البارت الثامن والعشرون  °•

☆☆☆☆☆

دخِت بيك و علي دوخَة الريشة بريح .!
انت اوياي ؟ ضدي ؟ تحاجز ؟ الهادود ؟
               '' سمير صبيح ''

دفعتهم نرجس ودخلت بـ نصهم صارت مقابيل حبيب :- الزواج الي بدايته هيج ، نهايته مااضمن عيشتي .. مثل مابديناها بالمعروف ننهيها بالمعروف ..

نزعت الحلقه وشمرتها على صدره طاحت بالكاع وهو واكف متصنم يباوع ، كملت :- الغيرة الي تصير بالضرب مااريدها ، اني اريد الرجال الي من تصير مشكلة يوكف وياي ويحارب علمودي ، مو يحاربني !!

حجه من بين سنونه :- رجعيييييها لاا اكسـر ايدج واصابعج والنبييي

ـ لاتصييييييح
عافته وركضت لجوه تبجي ، ركضت وراها ، دخلت للغرفة ، كاعده بالكاع وتملخ بشعرها :- ليييش عفتيييني يممممه ليييش ، اااااااااااااخ

ركضت الها ودفنت راسها بـ حضني :- اششش كافي اهدأي

هِمست بـ صوت مبحوح :- تعبااانه!

شديت على حضنتها وبست راسها :- باجر تصير سوالف وتعَدي ..

بقيت اقره آيات على راسها وهي ساكته إلا أن ثكلت ، رفعت راسها شفتها نايمة .. فرشت الها بـ الكاع وغطيتها .. رحت بدلت ونزلت لكيتهم كاعدين يسولفون

حبيب ماخذه علي وطالع لان باقي يصيح وكالب الدنيا .. وعمي كاعد وي أبويه ويكله :- شوفلي حل ؟ هاي مو كل يوم والثاني ويضربها

ـ على كيفك هاي اول مرة

ـ وانتظرة يجيبها الي جنازة ، ماشفتها وجها صاير ازرك كاطع عليها النفس وعلى كولتك هاي اول مره!!

ـ شسوي يعني حسام فهمني ، قابل جاهل هو

ـ اذا بعدهم مخطوبين وهيج من يتزوجون شلون ، اني بنتي معلمها مااجبرها على شي ولا اضربها ..

سكت ابوية وامي حطت الغده ، اخذت حصتي وحصة نرجس بـ صينية وصعدتها فوك ، خليت الصينية بـ الكاع ودنكت يم راسها اتلمس بشعرها ، همست :- نرجس حبيبتي ، كومي تغدي

ـ مااشتهي

ـ لخاطري عفيه مااعرف اكل وحدي!

ـ عفيه عوفيني فله مااريد ازعلج

ـ لا اشو مااعوفج ، يالله

صرخت :- عووووفيني غصببب هو يعني ، ماااكل عسى مااموت محد اله شغللل بيييه فاااهمه ، طفي الضووووه واطلعيي اريد انطمرررر بلكي انام ومااكعد ..

سكتت وفزيت من صياحها ، اول مرة تنفجر نرجس هيج ، نزلت الصينية عمو واكف يم الدرج سألني على صياحها وسولفت اله كالت امي :- نرجس هادئة وكتومه ، كلنا ندري همه شلون واحد يحب الثاني بـ الاخص هي كل يوم تجي تسألني (عمه شوكت يجي حبيب ، عمه يتأخر ، عمه علميني اطبخ لـ حبيب من نتزوج) تمووت عليه وتهتم بـ ابسط تفاصيله ، صح هي بـ البداية استغربت حُبه بس بعدين انبنى حب بـ داخلها وصارت تعشگ الهوا الي يتنفسه .. والي سوا اليوم حبيب مثل خذلها بـ تصرفه ، جانت متوقعه شي وصار شي ..