.. #وتلاقت_الأرواح..#فاطمه_أحمد
°• البارت الواحد والثلاثون °•
☆☆☆☆☆
اَنا لَمْ اَعشَقكِ حَتَّى الآنَ،لٰكِنْ رُبَما
تَحدُثُ المُعجِزَة ُالكُبرىٰ و تَنشَق ُّالسَما
و تَصيرينَ الحَبيبَةَ يا سَيِّدَتي
و اَرىٰ الجَنَةّ َمِنْ نافِذَتي و الاَنجُمانزار قباني
همست من وره حزنه :- شوكت خطبته؟
ـ الثلاثاء الجاي ..
ـ ماكو غير مُهيمن؟؟ والله فله لو سمعت تنتهي ..
ـ عدنا ابن عمي عمار بس متزوج ٤ وجبير حيل ..
ـ اييع .. يحجي صدك هذا شديحس؟؟على العموم اني اروح والافندي اخوك خلي يبتعد ولايوصل عتبة دارنا مالنا خلك البنية تطيح علينا ..
ـ مااعتقد هو يريد أذية فله اكيد .. يبتعد
ـ تمام الله وياك
ـ في أمان الله ..
سده والتفتت لـ زينب حاطه ايدها على حلكها ومصدومه :- ابوه اذا عرف كلشي علينا هاي كارثه ..
ـ ماادري حبيب شلون ساكت ؟
ـ أنتِ تدرين
هزيت راسي :- حبيب كالي بس ماتوقعت هيج يصير !!
ـ شنو تتوقعين من هيج ناس! امي لو عرفت تموت
ـ جنه بـ وحده صرنا بـ اثنين .. هزيت رأسي وكمت بره الغرفة وفله تدرس بس بالها بـ غير مكان كعدت يمها :- ها يول شلون صرتي؟
ـ كل شوي هالسؤال؟
ـ يعني نطمن على احوالج
ـ الحمد الله بعدني ماتخبلت
ـ لا ولج
حركت راسها بـ تعب وكالت :- اتصلتي بـ إبراهيم؟
ـ اي ...
ـ ماكال شي هو نفس الكلام
ـ يعني يتزوج!!
هزيت راسي ، باوعت وسكتت ، تقربت منها :- لاتضوجين عليه مايستاهلج ، تستاهلين الي يحبج ويحميج مو من اول شي صار عافج وراح ..
هزت راسها بـ خنكه :- مشكلتي غبيه وحبيته ليش حبيته ليش واني الما اثق غير بس بـ ربي ليش وثقت ليش كلبي تحكم بيه ، حبيته وبـ فترة قليلة
ـ ربج اله بيها حكمه
سكتت والتفتت الي :- اريد اكولج شي
رفعت راسي :- شكو ؟
ـ بالي اوافق على ادم ابن ام ادم الي اجت خطبتني ..
ـ تحجين صدك أنتِ تطلعين من تهلگه تشمرين روحج بـ تهلگه ثانيه !!
![](https://img.wattpad.com/cover/276775147-288-k779435.jpg)