وتلاقت الأرواح

البـارت السادس والخمسون

.. #وتلاقت_الأرواح

..#فاطمه_أحمد

°• البارت السادس الخمسون  °•

ذياب كزار يكول :
اغنيلك يگلبي شما يطول الليل
شما نجمة بـ حزنها تفيض
يگلبي الناس كلهم سود
بس انت وحبيبك بيض
اصليلك صلاة الما دره ذنوبه بـ حلك يا حوت
واصليلك صلاة الما دره دروبه على ياهو يفوت
واصليلك صلاة الما دره بعمره شوكت ويموت

فُـله :-

دخلت لـ غرفتي ارجف وخايفه .. ياربي خير .. يارب ماكو شي ..
تمددت احاول انام .. الأرق الي جاي يصير وياي يتعبني ماجاي اعرف انام بالليل ابد .. إلا أن يطلع الضوا .. عكس بداية حملي جنت ٢٤ ساعه نايمه

كعدت ثاني يوم ساعه ١٠ .. التهيت وي الجهال والبيت .. خلص الأسبوع كله بـ روتين اعتيادي ..

عمه جنه طلعت من المستشفى بس ماقبل هِـشام ترجع لـ بيتها .. وكلنا تجاهلنا السبب

هِـشام يداوم يوم ويجي يوم .. لو كم ساعه ويرجع لـ بغداد واني باقية مافاهمه شي من السالفة ..

علياء يم رجلها وابنها وملتهيه بـ حياتها ودوامها وهِـشام يحذر بيها توصلنا ..

جلال وجُمانه حياتهم هادئة ومستقرة .. جلال رتب الغرفه الي بـ صف غرفتي وكعدوا بيها

واني وبنتي الي كل يوم تكبر بـ بطني .. وإحساس ينولد وياها .. شعور الامومه ..

قدمت على جامعة صيدليه .. وانقبلت .. لكن لغيت سالفة الدراسة هاي السنه بسبب الحمل وبنتي ..
المهم ضمنت القبول وداومت كم يوم وكعدت ..

كاعده بـ الغرفة ادور على موبايلي بسرعة دخل هِـشام مااعرف شنو أخذ وطلع .. طلعت اتمشى بـ بطئ ولازمه بطني :- هِـشام شكو؟

ـ ماكو شي دخلي جوا

رفعت حواجبي مستغربه .. نزل يهرول وطلع مافهمت شي .. رجعت لـ مكاني وأدور على موبايلي ..

سمعت صوت قوي وهوسه .. فتحت الشباك واشوف هوسة والشارع متروس سيارات جيش ..
فتحت عيوني ونزلت اهرول

ـ عمه شكووو شصايرر

أقبال : ماجد جاي يهدد ويرسل تهديدات لـ هشام راااح يرووح ابني منييي يمممه

ـ عمممه ياااماجد شجاااابه!!
عفتها وركضت للمطبخ اباوع من الشباك ودموعي تنزل .. لحكتني عمه جنه

ـ من رحت للسوك سحبني واحد ملثم على جهه وهددني لو انطيهم مكانج لو يگتلوني .. من بقيت اترادد ويا دفعني حيل للكاع وكعت وصار الي صار ..
وبـ يومها هشام كال متصلين بيه ومصوريله بيتنه يعني عود اندلينا مكان مرتك ..
وباقين يهددونه بيج .. واليـوم .. اليوم هاجمين على سيارة جلال مفلشينها تفلش .. مراقبينه من المستشفى وعارفين سيارته