وتلاقت الأرواح

البـارت الثاني عشر

غير كون اليركض مگضي نهاره ينام ليله!
غير كون اليتعب من الدنيا والناس الغريبه تصحله ناس تردله حيله ؟
غير كون ابنادم من يطيح حمله يگابله ابنادم يشيله؟ شمالها الوادم على الوادم ثكيله!
..

.. #وتلاقت_الأرواح

..#فاطمه_أحمد

°• البارت الثاني عشر °•

☆☆☆☆☆

جاي البس بالحجاب لان جانت حاره وطافيه الكهرباء ونزعته .. اندكت الباب واجوا الجهال يركضون

ـ مامااااا هذا بابا اجه تعالي افتحي الباب ديصيح

التفتت الي مصدومه

ـ عزا العزاني وهسه شلون ؟!

ـ ااا .. تعالي ادخلي لغرفتي واخذي جهالج خلي اشوفه واني افهمه

ـ شتفهمينه لخاطر النبي ، دستعجلي فدوه لعينج

اخذت الجهال ودخلت بالغرفه .. وكفت اتسمع على الباب .. دخل وكعد بالصاله

ـ ساعتين يالله ، انطيني ماااااي مو ماكل ***

ـ اي اي

صفنت هذا شبي اسلوبه عود صدك؟

شوي ورجعت اسمعها تكوله :- اجت تخيط يمي سامعه من الجوارين بس كلت الها بطلت

ـ اي ، وراحت؟

ـ لا بالغرفه

ـ چا ماطلعتيها من *** بـ هالعيشه ، امشي ****** يلا راح اطلع بره

ـ اي لاتفشر من الجهااال

ـ *** الجهال

اجت فتحت الباب وكالت :- اوكفي

وراحت للكنتور  ، التفتت الها
ـ شنو دورين مو كال راح يطلع خلي اروح

ـ ادور بوشي الج حكيم ينتبه يلگفها بسرعه ، لاعبالج اذا طلعتي ماراح يبصبص بوجهج رجلي واعرفه

ـ وشدعوه عليه هالكلام والفشار؟ وكدام الجهال

ـ خيه شسوي !! هاج هذا لكيته الج عود من توصلين لبيتج انزعي وخاف هم زلم لو شي يم بابكم

بوستها ولبست البوشي وطلعت واخذت الجهال ويم أقرب تكسي اخذته ورجعت للبيت مالكيت احد بس اثنين زلم واكفين على جهه ..

نزلت للبيت ركض .. غيرت لبسي وصعدت فوك لكيت عمتها كاعده تبجي وتعدل بالبيت ..

ـ ها عمه شلونج

ـ يااا يمه شلوني بنت اخوي رااااحت ياايمه

ـ عمه فدوه اني لحد هسه مامصدكه ، شنو صار؟

ـ يمه سكتة قلبيه يمممه بنيتي

ـ شدتسوين عمه .. الفاتحه نسويها جوه والزلم جادر بره