.. #وتلاقت_الأرواح
..#فاطمه_أحمد
°• البارت الثاني والثلاثون °•
☆☆☆☆☆
هذا حدنه .. هذا حظنه الماجمعنه ..
شكد تعبنه .. شكد رسمنا احلام أحنه
ندري قسمه بيد ربك!
لاهو ذنبي ولاهو ذنبك
" شكد تعبنه "
.. بس هذا حدنا
هو ذنبي!!! لاسكنت وي الاجوني ..
ولا تبعت الراحلين
ولا اني خالي ومختلي ومرتاح بالي .. ولا اني من العاشكين
مدري ليلي شلون اخلصه
لاسهرت وي السهر .. ولا اني من النايمين
ولا اني عابد وارتجي الجنه من اموت .. ولا اني من الكافرين
اني قصتي وياج قصة نكتبت بـ ورقة قديمه وخط حزين ..
انه وين وانتِ وين
انه لحظه ..
وشجابها اللحظه تدك باب السنين ..
..
جريت كنان لا يوكع بالماي .. انفتح الباب
ومااحس الا كرار شمر دولكة مي باارد على ظهري .. حسيت ظهري جمد :- احتركووووووا عشيرتتتتك كرررررريررررر اني الك ..
مااحس الا صوت وراي يهمس :- السلام عليكم ..
التفتت مصدومه وضربتها ركضه بدون ماالتفت ، دخلت جوه واني متفشله على عيطتي الصارت بـ وجهه ..
بقيت بـ الغرفة ماطلعت ..
شوي واجت عمتي :- ولچ العلوية ام سيد رضا بره منتظرتج هي وابنها تختارون الذهب
ـ وشنو يجون بدون خبر!
ـ لا هم كالو الي بس اني نسيت .. دكومي هسه ماعندج شي تلبسي؟
ـ هم شمدريهم اني عندج؟
ـ ولج هي كالت نمر عليها ناخذها هي وامها كلت الها لا هي عندي
ـ وهسه شلون شنو البس؟
ـ دلبسي اي شي ياماما
ـ راح البس لبس البارحه مالت العيد ميلاد .. الجاكيت الطويل وبنطرون وتيشيريت ، حلو؟
ـ اي يالله ، واستعلجلي عيب ماقبلوا يدخلون بقوا كاعدين بـ السيارة ..
كمت غسلت وجهي واني احجي وياها :- عندهم سيارة لو بـ تكسي؟
ـ لا سيارة السيد
ـ اي هل اكول وين اكو تكسي ينتظر نمونه ..
صعدت غيرت ملابسي .. وعدلت وجهي بـ شوي مكياج ونزلت لـ عمتي :- ها عمه كملت
ـ يلا بس خلي اطفي اجهزة البيت ..
اخذت جنطتي و وكفت اعدل حجابي بـ المراية الي معلگه على الحايط .. صايره يم الباب الخارجي .. والباب شوي مفتوح منه .. وكفت ادندن بـ اغنية
حبيب امك مَ تقبل من احاجيك ..
روحي معلكه بيك ♪♪
وامي مفرعه تدعي ♪♪
يَ ابني يهديك ♪♪
روحي معلكه بيك ♪♪
رفعت عيوني ولكيته يباوعلي ، وصافن .. من شفته ابتسم ، وفزيت من صيحة عمتي :- يلا يمه غير تطلعين الا اني وياچ امشي ..
