اسم الله لو جاسك مرض
ما تشفي گلبي لو گلت بية ولا بيك
مد ايدك التسوة وطن
دورني بين اليوجعنك
آنه المكان الما يأذيك.
..
.. #وتلاقت_الأرواح
..#فاطمه_أحمد
°• البارت السابع عشر °•
☆☆☆☆☆
" أحلى هدية للحلوات ، بنياتي 🥺♥️"
صوت العصافير الصبح من اطلع للاعداديه وهدوء الشارع ، ويايه نرجس ، ماعندي غيرها صديقه ..
من الصغر احنا سوا ، مااعرف اصير صديقه لغيرها ..
بوست ماما وشلت ملازمي من ميز الطعام واخذت الجنطه لبستها وطلعت ركض لبست الحذاء وصوت ماما وهي تصيح وراي
ـ على كيفج بنيتي ، يمه السياره ماتطير !
ـ اي ماما عفيه متطير بس يعوفني ويروح ، دافعين اله كومه فلوس خلي امشي لااتاخر ، وچ يالله نجيرس تأخرنا كافي اكل
ـ على كيفكم بناات
ـ يلا بيباي مام
جريت نرجس وطلعت ركض وكالعاده اشوف ابو محمود ينتظر الساعه تصير 7 وثلث حتى يطلع للشارع وتجي تاخذه سيارة المصنع الي يشتغل بي ..
ويسلم علينا بعبارة " صباح الخير يابنات "
و نرد السلام علي "اهلاً عمو ، صباح النور "
التفتت شفت سايق الخط اجه باوعت اني جاهزه ،
ـ يلا نجيرس
ـ وچ كافي تصيحين نجيرس ، اسمي نرجس بالعباس
ـ ديلا شنو الفرق هانم نرجووووس
ضحكت ، وكفت السياره .. فتحت الباب وكلت :- صباح الخير
وكعدنا ، ويانا اثنين بنات ماخذهم قبلنا .. تمشينا الدرابين الي بيها الطلاب يتمشون ويروحون للمدارس مالتهم والي يروح للجامعه او للشغل ، والحجي الكبير يفتح البسطيه مالته بـ راس الفرع ، والي بعمر الشباب الاكي اذا ميروح للمدرسه يروح لشغله او وظيفته او يفتح محله الي بالسوك ..
مشت السيارة وعبرنا الدرابين وطلعنا على الشارع .. رغم عگر الارضيه بالدرابين بس اني احبها واتمنى مايخلص الطريق بيها ، هاي الكاظميه منطقتي وروحي بيها مااتخيل روحي بيوم اعوفها او افاركها تربيت بيها وعشت ودرست وتعلمت ، ولعبت بدرابينها ، طفولتي ومراهقتي بيها ..
وصلنا المدرسه ونزلنا .. ونزلت نرجس تتمشى وي طالبه وعافتني ضربتها بالملزمه خفيف على ظهرها
ـ يوول شنو عفتيني؟
ـ اي اجيت ، كالت للي يمها:- يلا بعدين اشوفج والتفتت الي :- ها ، تعالي
خب اريد اخلص ملليت ، بعد امتحان واحد وهذا ، ولج طلع ماعدنا اوف لازم نقره يعني عدنا بس الجمعه والسبت والاحد امتحان العربي
ـ اي ليش أنتِ ماقاريه شي؟
ـ شقره يمعوده هو اني هذا الامتحان كوه دبرتها وقريت فصلين لو ماانتِ أكثر وحده تعرفين أن ابوية تعبان وبس اني يمه باقيه سهرانه ، والله واني استحي من باجي اكوولها سوي شي لابويه واني موجوده ، البارحه زين مني وكلش زين اعتبره ، قريت فصلين
