وتلاقت الأرواح

البـارت الواحد والعشرون

بداخلي
زحمة أشياء
‏صوت الوداع ؛
‏و ذكريات اكسرتني !
‏ماني بـ ميت ،
‏بس أنا كومة أشياء
‏عايش على هامش
‏سنين أوجعتني ..!!
..

.. #وتلاقت_الأرواح

..#فاطمه_أحمد

°• البارت الواحد والعشرون  °•

☆☆☆☆☆

خلصنا العشا وكاعدين ناكل فاكهه .. وبحضني كتاب الاحياء واسمع امي تهمس وي ابوي ..

اني مغلسه عود مااسمع ، بس اذني يمهم

واسمعها تكول :- اليوم اجتي وحدة تخطب فُـلا ..

بسرعة التفتت عليها وصحت :- عززززا

ُُـ يمه ، استغفر الله ، شبيج كمزتيني ، اذنج يمنا؟

ـ يوم يعني سمعت قابل اسكت!
اي كوليلي منو هذول واكيد رفضتيهم؟

ـ اي كلتلهم بعدها تدرس والسنة سادس مااكدر انطيها

ـ اووي فدووه للامهات الحنينات اني

ـ دكعدي ادرسي ورفعي راسي حتى مايكولون هاي الي زامطت بيها وتالي رسبت

ـ يمه بسرعة فاولتيني بالرسوب

ـ ديلا اصعدي ادرسي يلاا

ـ اووك

رحت لغرفتي واجتني نرجس تضحك :- عبالج الخطابة بس يجون الي هههههه

ـ اوو نجبي بس صدك السالفة بيها شوي مستحى وكذا

ـ اي بس على الاقل مو مثلي

ـ ديلا ادرسي .. وراج ختوووبة

ضحكت .. وكعدنا ندرس ونحل مسائل .. اندگت الباب ودخل عمو حسام

ـ هلا عمو

ـ هلا بنيتي

سلم والتفت على نرجس :- بنتي اريد احجي وياج شوي

باوعت عليهم و وكفت :- عمو اني راح اطلع ، اخذوا راحتكم ..

بقوا بالغرفة ونزلت جوه اشرب مي .. واجه وراي حبيب :- هاا

ـ ها شنو !!

ـ عمي كاعد وي نرجس؟!

ـ اي وشكو؟

ـ يجوز ديحجون على الخطوبة

ـ جذذذب ، عززا شلون فاتتني السالفة ، دور عفتهم وحدهم ، هسه عادي لو عيب اروح اسمع شنو يكولون

ـ انجبي وكعدي

ـ اووي

دخل علي ، وضحك :- مادام بيها الـ اوووي مالتج اكو مشكلة

ـ روح انت الثاني ، شكول عليك حبيب خليت الفضول ياكلني شلون بيه

علي ـ شكو؟