وتلاقت الأرواح

البـارت الرابع عشر

رديتلكم شايل فرحة
ابگد ماشايل هم من عدكم

رديتلكم وادري ابگلبي
اتكسر مثل الجامة ابحبكم

رديـت وجايـب ضحكاتي
ارد اوگف وابچيهن يمكم

يل عفتوني ولسه اهدومي
من افركهن تطلع ريحتكم

..

.. #وتلاقت_الأرواح

..#فاطمه_أحمد

°• البارت الرابع عشر °•

☆☆☆☆☆

نـدى :-

كاعده اغسل بـ مواعين الغده .. واجه اتصال لـ منقذ وكف على حيله وهو يرد ..

ـ هلا ، منـو ..
قييييصر!!
هذا انت بعد اخوك وييييينك فهمني وينك ليش ماتتصل اااخ ياخوي اااخ .. زينين زينين ، ااااااخ ، ايي .. تمام تمام ماشي هاهيه ، اتصل  اني بيك ، على هذا الرقم؟ ، ها تمام ، يلا الله وياك ، هلا بيك

خلص مكالمته ، اني وحسام واكفين وراه ..
ـ ها شنو؟

ـ شبيكم ، هذا قيصر

دخلنا وراه للصاله وكعد يسولف :- يريد يبدي بـ مشروع جديد وكال بيع بيت الجادريه ودزلي الفلوس

حسام ـ شنو خلصن فلوسه حتى يبيع هالبيت!

ـ مااعرف يكول اريد فلوسه !!

ـ وهسه راح تبيعه؟

ـ راح اعرضه للبيع شوكت ماجاب سعر زين ابيعه

ندى ـ تمام ، وراح اتصل بـ بابا هم إذا يعرف واحد يريد يشتري

.. كمت من يمهم كملت مواعيني وصعدت اتصلت بـ بابا وبلغته كال أن شاء الله ..

صعد منقذ تمدد وصافن بوجهي ، ابتسمت هزيتله راسي :- ها حبيبي

ـ بعدج نفسج ولاتكبرين ولاتتغيرين بعدج مثل اول مره شفتج من اجيتي تساعدين امي

ـ هههههههههه ، تتذكر هذيج الايام يبووو شكد حلوه ، وكفتك بالشارع ورزالتي الك بس والله تستاهل

ـ ااا؟ استاهل مو ؟
اني اعلمج منو اليستاهل ..

.
.
.
.
.
.

عليـاء :-

كملنا دراسه ولملمنا البيت ورحنا ورا بابا ساعدنا وصعدنا نمنا .. كعدنا الصبح على دكة الجرس

بعده النوم بعيونا كلنا نايمين ساعه ٧
طلع بابا بملابس النوم عباله بيبي وعمه

بس تفاجأنا بدخول خالي "عمر" .. صاح بابا متفاجئ
ـ عمرر؟

ـ ايي ابو هشام .. من ماتت اختي وانت ناسينا

ـ هلا بيك هلا تفضل ، نورت