ماذا لو كُنا عقربين في ساعه؟
فَألتَقي بك وأعانُقك
ومِن بعدها أقف أعُد الثواني
لألتقي بك مُجدداً بعد فُراقٍ دام ستون ثانية .
.. #وتلاقت_الأرواح
..#فاطمه_أحمد
°• البارت السابع والخمسون °•
ـ اففف مدا الكى شي يعجبني!
ـ ترا مو أنتِ الـ راح تلبسين جيبي اي شي وفضيها
ـ شنوووو عيني وانيييي ألبس بنتي عادي!
ـ ولچ مو هل اشترينا الها هذا النفنوف بـ ١٠٠ ألف والفستان الوردي بـ ٧٥ !! شنو الـ عادي بعد ، ***
ـ اووو من هسه بديت تحسب .. لك بابا هاي بنتك الوحيده اصرف بابا .. شتريد بالفلوس!
ـ ولج هسه اني مامشتري!
ـ افف ..
طلعنا من المحل .. عيوني تعلگت على تراگ شتوي الي بس شكدد كيووت .. ابيض والكبوس بي اذانات ورديه ..
باوعت لـ هِـشام مبتسمه .. هز راسه بـ تعب
ـ ها بوية هااا؟
ـ خلي اشوف هذا التراگ
ـ على أساس جايين نشتري للطفله؟؟!!
ـ لك بابا شبيك .. بطلت مااريد
ـ امشي امشي نشتري بـ العافية يابه ..
عمي اذا مانشتري شيخلصنا!!
ابتسمت بـ وجهه ودخلت المحل .. اشتريت ملابس بيت وملابس طلعه .. جهزت من الصفر ..
ـ من زمان ماطالعه وهسه لازم اشتري الي وللطفله ..
ـ اي وبلاش ..
ـ غير رجلي انتَ !
ـ هسه صرت رجلج بت الحلو لوما صارلچ مدري چم شهر ضاربتني بوري!
ـ ههههي
خلصنا كلشي وقبل لانطلع اجت عيني على فستان شيفون ، احمر مشجر .. متت عليه كلش نازك ..
ضربت بـ اصبعي على گتف هشام التفت الي :- لاتكولين بعد تردين!
ـ شوف الفستان حلوو
ـ عندج مثله حبيبي عندج
ـ لا لاعفية خلي اشتري
ـ يابه والله عندج مثله
ـ لاتحلف ماعندي
ـ تردين تخبليني لج بابا ماكافي فلوسي راحت
ـ اوووو
ـ امشييي ديلااا اخر شي والنبي ربع بعد ماادفع
ضحگت وطلعت سنوني وهو يباوعلي ويضحك دخلنا للمحل اشتريت ٢ حلو حيل ..
رجعنا للبيت محملين أغراض .. وكعن بـ راس هشام ههه خطيه ماقبل اشيلهم علمود خاف ثگل عليّ .. تالي هو شالهم كلهم
