هلي لو بيدي ما اكبر عفتوني
عله يا سچة
انشره وانباع واتعثر
يكون بعودي ماكو سنِين
خاطر ما انبت واثمر ....
.. #وتلاقت_الأرواح
..#فاطمه_أحمد
°• البارت السابع °•
☆☆☆☆☆
طلعت من بيت اهلي واني اودع أمي وأوصيها على الأطفال .. طلعت واندك الموبايل باوعته " ريمتي"
ـ هلا ريمه
ـ ندى اني سويت مصيبه
ـ ياستار لج شكوو
ـ اني حامل
ـ عزاااا بعيني لج شدتحجين !!
ـ ماادري شلون صار الحمل اني اخذ حبوب والله ماادري ساعديني ندى هسه طلعت من الدكتوره الطفل بده يكبر وتعرفين اخر مره شنو صار ، الدكتوره تلطم تكول إذا نزلتي تموتين وإذا ولدتي تموتين .. لج بالحالتين
والله اذا اكول لخالد يشعل الدنياـ وينج هسه ؟
ـ بالكراده
ـ راح اركب تكسي واجي انتظريني بمطعم شي صخااام
ـ ايطبگت الموبايل وأيدي ترجف وكفت التكسي وكبل للكراده
لكيتها كاعده بمطعم وتشرب ماي ..
ـ وين التحليل ؟ـ هذا
باوعت كومه تحاليل ..
ـ اختصريلي!ـ شنو اختصر هو كل الي كُلته الج على الموبايل !
ـ وهسه شنو الحل
ـ ماكو حل ندى ماكو حل إني راح اموت
ـ ماكو هيج حجي ريم خلي ايمانج بالله جبير
ـ والنعم بالله هو بعد املي بالله وبس
ـ الدكتورات يبالغون بالكلام لاتاخذني كُلشي بجد !
ـ بلگي
ـ رييييمه باعيلي ، مو حجي لسان خلي ثقتج بالله وتوكلي عليه هاي شبيج
صحتج النفسيه اهم والتفكير الزايد مايفيدج ، اتفقنا ؟
ـ أن شاء اللهـ امشي
ـ وين؟
ـ نزور أبو الجوادين واطلبي مرادج منه ، قاضي الحوائج مايردج خايبه
ـ أن شاء الله ، يلا
دفعنا الحساب وطلعنا نتمشى لتكسي واحنا نسولفـ باعي إذا الج بيها صالح الله قاسم لج هالطفل وإذا بيها مضره ف اكيد ربج مايريد الج السوء واتذكري الايه :
ـ {وَعَسَىٰٓ أَن تَكْرَهُواْ شَيْـًٔا وَهُوَ خَيْرٌ لَّكُمْ ۖ وَعَسَىٰٓ أَن تُحِبُّواْ شَيْـًٔا وَهُوَ شَرٌّ لَّكُمْ ۗ وَٱللَّهُ يَعْلَمُ وَأَنتُمْ لَا تَعْلَمُونَ}
ركبنا التكسي ورحنا زرنا وصلينا .. خلصنا واخذنا تكسي وصلتها للبيت حالتها النفسية بالضيم .. خوفها بجهة وهرمونات الحمل بجهة ..