.. #وتلاقت_الأرواح
..#فاطمه_أحمد
°• البارت الرابع والثلاثون °•
☆☆☆☆☆
رحتو غفلـه وما دريتو ؟
ما دريتو شجم حلم يبچي اعلـه عين ،،
ولا دريتو الشيب يهذي
وسولف براس السنين ،،
وما دريتو شجم قطار الفاتـنـه !
ولا گانـه ننـطر
واحنـه عشنــه سنين ننـطر
ومتنـه ننــطر
بكل محطات الجفن خضرنا شوگ
وطيفكم ما صاح نازل ،،
چان همكم بالرسايل ،،
و ااااه يا ذنب الرسايل ،،
الرسايل ما حچن كلشي الرسايل !
علياء :
دخلت الغرفة بـ تعب والخاولي على راسي .. احس جسمي متكسر تكسر ..
تمددت على الچرباية واني افتح شعري ..
وصلني إتصال رفعته وابتسمت ، اجاني صوته :- ها يـا مسائي وصباحي
ضحكت ورديت بـ تعب :- مساء الخير ..
ـ شلون يصير الخير وأنتِ الخير بذات نفسج
ابتسمت وعدلت كعدتي :- تره مااعرف ارد على الكلام الحلو والله ..
ـ چا ولاتردين هو الكمر ليل ونهار نغازله هم رد !
ـ سيد ؟
ـ ها ، علة گلبي
ـ هههههه هاي شنو اني علة كلبك؟!
ـ عَليتي گلبي بـ جمالچ ..
ـ تره اني مو حلوة! يعني اوك مقتنعه بـ جمالي بس مو مثل ما انت توصفني تطلعني ماكو احلى مني .. اني كلش عاديه!
ـ ماشفت ولا راح اشوف بـ جمالج .. لو بـ جمال گلبج وروحج الحلوة ، ضحكتج ونفسيتج الطيبه ..
ـ شوكت اكتشفت كل هذا؟
ـ أنتِ كتاب مفتوح ما اكو داعي اعرف ..
ـ بس ..
سيد
ـ ليش تكوليلي سيد صيحيلي " رضـا " خل اسمعها بـ صوتج الدافي ..
ـ سيد مميزة أكثر .. وبعدني مامتعودة أصيح الك رضا .. من راح اشيل الحاجز بينا راح اكولك رضا ..
ـ ما حاجه .. سمعتها
صفنت مستغربة :- شنو شبيك زعلت؟
ـ لا لا بس قبل شوي كلتيها مرتين وارتاح گلبي من سمعتها ولو اتمنى بعد اسمعها
ـ عزززا صدك كلتها ، ماانتبهت ..
ضحك وكمل :- شنو ردتي تكولين
ـ انت ماتعرفني ، ماتعرف كلشي عليّ يعني اكو اشياء مايعرفها غير أبوية
ـ تدرين توقعت تكولين محد يعرفها غيري .. بس اطمنت من كلتي أبويا
