وتلاقت الأرواح

البـارت التاسع عشر

يـَ بس إنتَ
يـَ أخ إنتَ
يـَ بعد آنـة
شگثر ناغيتلك سَكتة ♥️.
..

.. #وتلاقت_الأرواح

..#فاطمه_أحمد

°• البارت الثامن عشر °•

☆☆☆☆☆

التفت لـ حبيب وكال :- اعرف نظرات عيون الإنسان الي يحب لان مريت بهذا الشي بعمرك .. والي سويته اليوم ثبتلي هذا الشي

ـ خير يابه؟مافهمت شنو تقصد؟

ـ اني قررت أخطب الك بنت عمك " نرجس "

ـ ياابه؟!!

ـ اعرف كل الي سويته غيره عليها ولاتحاول تكذب علي بشي لان عيونك فاضحاتك وكلشي مبين يمي ..
العب على غيري يوليدي .. اني مجرب واعرف

العب على الكل بس لا تلعب على واحد عاش الحب الحقيقي ومن يشوف اثنين كدامه يحبون بعض بسرعة يعرف إذا هذا الشي حقيقه لو كذب

ـ بس ياابه!!!!

ـ دسمممع .. اني اباوعلك ومنتبة مو من هسه .. لا من سنة ويمكن اكثر !!
وحجزت هالبنيه الك بس ماكلت لابوها .. وهسه وليدي كولي تريد اخطبها الك لو لا ؟

تقدم وكعد بصف مُنقذ :- يابه البنيه سادس خاف تنشغل على دراستها أو ماتقبل وضيف عليها بعدها صغيره ..

ـُ يوليدي عادي بس نحجزها الك وشوكت ماتتزوجون تزوجوا بس المهم تصير حلالك وماتسون شي بالحرام

ـ بس يابه هي ماتدري اني احبها؟!

ـ الحب مو كلمة احبچ وانتهى .. الحب افعال ، وانت لازم تثبت الها حبك بـ فعل وهذا الفعل هو خطوبتكم وهذا خير دليل انت تحبها ورايدها بالحلال

ـ يابه تدري احس كلبي يدك الف دگه هسه ، مشكور على وكفتك هاي وياي جنت محتاج النصيحة

ـ ابني انتَ اريدك ترفع راسي دائماً .. مااريد ياخذك طريق الحرام

ندى ـ الف مبروك وليدي يوم الاشوف جهالك بـ ايدك

منقذ ـ شوي شوي ام حبيب بعدنا ماحجينا بالموضوع أصلا يم ابوها وبعد موافقتها يحتاج

ـ وإذا رفضت ؟!

ـ بعد هي هاي ، خو ما نجبرها؟

ندى ـ وليش ترفض بالعكس تبقى وي ابوها العمر كله تداري وتباري بي ، تلكاها شايله هم هالموضوع

ـ هيج تكولين يوم؟

ـ اي يمه وهم احاول اقنعها وإذا ما قبلت هذا الشي راجع الها ومااكدر أجبرها على ابو انت ابني !! هي هم بنتي تره ، ربيتها بـ اديناتي وتعبت عليها لحد ما وصلت ..

منقذ ـ راح احجي وي حسام اليوم أن شاء الله يعني بس هيج بيناتنا كلام ونشوف وين تصفى

ندى ـ واني اكول نفتح البيت الفوك صارله شكد متروك ، نرجع نرتبه وإذا تزوجوا يكعدون بي ، حتى هم ياخذون راحتهم