مسافرين وهاي آخر حچايه وداع ،
أنتم بحفظ الجديد وآنه بحفظ الضياع ...
.. #وتلاقت_الأرواح
..#فاطمه_أحمد
°• البارت الحادي عشر °•
☆☆☆☆☆
طلعت من اهلي ورجعت للبيت .. وصلنا أبويه وراح
لكيت منقذ كاعد على التلفزيون ويكرز حب .. من دخلنا فزـ يمعودين وين صرتوا خليتوني وحدي ههههه !
ـ هاي اجينا
ـ فُلا شنو هالجمال تعالي بابا
راحت تركض لابوها :- ليش ماجيت ويانا
ـ لان عندي شغل
التفتت اله :- اني راح اصعد أبدل للجهال وانومهم وانزل ، خو ما تنام؟
ـ لامنتظرج ..
حجاها وغمز .. خنزرت بسرعه
ـ منقذذذ منا الجهال ، يلا ماما تعالو ابوكم مايستحيصعدتهم غيرت ملابسهم وناموا ، طلعت من يمهم و جهزت ملابس الدوام مالات باجر وكويتهم ودخلت سبحت وغيرت ملابسي ونزلت يم منقذ ..
ـ تأخرتي !!
ـ غير خلصت كُلشي
ـ تعالي
رحت يمه خليت راسي على صدره وهمست:- تحبني؟
ـ هههههههههههههه
ـ شنو ليش تضحك !؟
ـ مخبله ، اني هايم بيج .. ولو مااحبج ماجان عدنا 3
ـ واحتمال الرابع جاي بالطريق ..
حجيتها وخليت ايدي على بطني ورفعت عيوني عليه
بقى صافنـ شنو يعني؟
ـ يعني هو مو اكيد بس شاكه يعني أعراضه
ـ كولي بالعباس
ـ مامتاكده جاي اكولك يعني بس حللت منزلي
عدل كعدته وحضني حييل جعصني بالحضنه ههههه
ـ راح اجعصج من الفرحه يول مامصدك وربي
ـ خاف اطلع مو حامل وتخرب الفرحه
ـ لا بابا هي الأعراض أنتِ تعرفيها قابل اول بطن يعني هي اكيد موو ؟!
ـ تتوقع هالمره شنو بنيه لو ولد؟
ـ مادامه منج ارضى بي حتى لو صخل
ـ يااااا هههههههههه شنو اني اجيب صخل هههههههه
ـ يابه ضحكتج الجهال نايمين
ـ وين يسمعون؟!
ـ وداعتج مو جهال ذول شياطين
نمنا على السوالف والضحك .. كعدت الصبح متكاسله ومااريد اداوم بس لازم اروح حتى اسوي التحليل واتاكد من كلشي ..وماتضيع فرحتنا ..