وتلاقت الأرواح

البـارت الثاني والخمسون

.. #وتلاقت_الأرواح

..#فاطمه_أحمد

°• البارت الثاني الخمسون  °•

" عشيرة ما تگدر عَلَيّ..
گدرت علية عيونها ♥️ "

فُـله :-

ركض هشام كدامي .. ركضنا ورا وصعدنا لـ غرفة عمو خالد .. التفتت لـ خاله :- شبييي شبيي

ـ السكر نازل عنده .. ولك يمه هشام اخذه لـ مستشفى لايتخربط أكثر!

ـ اي اي

حجاها وركض للسيارة وجلال سند أبو على ايده غسلت وجهه علياء وغيرت ملابسه وأخذه جلال ..

طلعوا والتفتت لـ عمتي وعلياء الوجه كركم والشفايف بيض :- على كيفجن هسه يجي مابي شي ترا مابي شي

نزلت دمعه على خد علياء .. انفعلت مااعرف شنو صار التفتت الهم وصرخت :- مابيييي شييي مايمووت مايمووت مانخسرره يرجع يرجععع مابييي شييي هسه يجي ..

لزمتني عمه إقبال وجرتني تكعدني :- مابي شي مو مابي شي عمه مابي شي؟!!

ـ اي يمه اي مابي شي بس اهدي هاي أنتِ جاي تهدأينه وانفعلتي

ـ عمه مااكدر اخسر عزيز ثاني مااكدر .. عمو خالد مثل ابوية لمني بـ بيته وكفاته الي ماتنعد .. ماعندي طاقة على الفقدان ..

مسحت دموعي بـ طرف أيدها وبقت حاضنتني ..

انتظرناهم لحد ما اجو الفجر .. السكر متخربط والدكتور كايللهم راجعوا دكتور اختصاص افضل ..

وماكو دكتور خفارة .. وهشام باقي يفتر على المستشفيات إلا أن منطينه اسم دكتور كالوا اله روح اله للعياده .. ورجعوا

اخذوا عمي لـ غرفته يرتاح .. واني غسلت وتوضيت وصعدت اصلي ..

سجدت ودموعي نزلت .. ولساني مايردد غير " الحمدالله"
مغمضه عيوني وعلى سجدتي ..
انفتح الباب وحسيت بـ صوت .. بست التربة ورفعت راسي :- ها هِـشام

ـ فُـلايتي تعباان

ضميت سجادة الصلاة وصعدت على الجرباية يَمه .. حط راسه على رجلي .. اصابعي تتلمس بـ شعره واردد بـ هدوء آيات قرآنية والمعوذات ..

إلا أن غفى .. بقيته على نومته بس حطيت راسي على المخده ونمت ..

فزيت الصبح هو ماكو .. رجعت كملت نومتي ..
بس ماكدرت انام .. باوعت للساعه بـ٨
ـ افففف هسه وكتها يطير النوم من عيني!!

اخذت ملابسي سبحت حتى اصحصح .. ونزلت اتريك ..
اتصلت على هشام مارد عليّ كتبت اله رساله :- انت وين؟

كملت تنظيف البيت وكعدت عمتي وعمو .. جهزت الهم الريوك وكعدوا يتريكون ..

ـ شلون صرت عمو؟