وتلاقت الأرواح

البـارت الخامس عشر

..

.. #وتلاقت_الأرواح

..#فاطمه_أحمد

°• البارت الخامس عشر °•

☆☆☆☆☆

دخل دكتور ركضت علي :- دكتور فدووه لعينك اهلي ، اهلي سووا حادث وهم اجوا لهنا

ـ شنو أسمائهم

ـ خلود و كريم

ـ خلود عبد و كريم محمد ؟

ـ ايي؟

ـ البقاء بحياتج بنيتي .. توفوا تلكينهم بالثلاجه استملي الجثث ..
عافني وطلع طحت بالكاع من الصدمه والتمت النسوان صرخت :- لاااا لااا اهلي ذول اهلي مايعوفوني ويروحون وين يعوفوني ؟؟ بس هم الي بقوا الي بس هم راحتي شلون اعيش بدونهم شلون اتحمل فراكااااهم
اثنيييييينهم ، اثنييينهم راحووووا يااااااالله دخيييلك ..
ركضت ودموعي تنزل وكلبي ينتفض ، شلون راح اتحمل فراكهم اثنينهم هم اهلي وناسي ودنيتي وجنتي ، شلون يعوفوني ويروحون شلون انطاهم كلبهم ينزلون دموعي

وصلت يم الثلاجه كعدت ادور عليهم ودموعي تنزل .. مامصدكه لحد هسه اتمنى لو جان حلم واكعد منه .. لكيتهم وياريتني مالكيتهم .. وجوهم مامعروفه حتى .. تقربت يم امي
ـ يمه ، أمي ، يوم .. غاليتي أنتِ كومي وياي يمه الجهال منتظريج مشتاقيلج ترجعين ، يمممه رسل تريد تشبع من شوفتج يممه ، ماتهنت بيج ، يمه واني!
هان عليج تنزلين دموعي وتكسرين كلبي .. شلون ينطيج كلبج .. يمه وعدتوني ماتعوفوني ليش الموت يفركنا يمه رحتوا اثنينكم وعفتوني مانسيتوا عدكم بنيه تحتاجكم تحن الكم وتحبكم ، يمه اني بدونكم مااعيش اني بدونكم ما أحيى يممه ، لا لا يمممه لاتعوفوني ، ااااااااااخ ياامي ، يمه تدرين اكثر شي يكسرني الموت يمه مو تدرين اكره الموت لان يأخذ كل عزيز الي

طلعت كعدت بالكاع عيوني احسها ماتت من البجي .. رفعت راسي جثة العزيز كبال عيني صرخت :- ياااابه
حضنته وصرخت:- ليش ليش لييش تعوفوني ليييش ، بابا انت سندي .. اااااخ ، ظهري انكسر بفراككم ماينطيني كلبي اكول راحوا وعافوني ااااااخ يااااابه فدوه لعينك كول هذا حلم يابه اني مااكدر اعيش بدنيا انتم مابيها يابه اضيع والله اضيع وين اروح على منو استند يابه إذا أنت الرحت منو سندي منو الي اشكيله ويسمعني منو الي يعوضني حنانك ياابه لاتعوفوني ..

وكعت بالكاع وماحسيت بشي بعد ....

.
.
.

مـُنقذ :-

بعد ما اتصلت بـ ندى وبلغتني هي راحت لـ كربلاء اخذت أغراضي وطلعت .. حسام يمي سمع كلشي كال :- اجي وياك

ـ لا يمعود الجهال اجو من مدارسهم هسه روح للبيت ابقى وياهم لاتعوفهم وحدهم ..

صعدت لـ كربلاء بس جان ازدحام وهوسه .. بالف يالله وصلت باوعت للساعه 5 العصر ..
نزلت اسأل .. كالوا بالثلاجة
حسيت الدم وكف بـ جسمي ، ماتوا؟