وتلاقت الأرواح

البـارت الثالث

گطعنه العمر نصين
نص هنا ونص هناك
دارينه الورد والتين
والصفصاف لميناه
تلوعنه وعمرنه زغير
ترسنه گلوبنه ب صبير
هذوله احنه
صحارينه تخضر مشمش ونعناع
وسفينتنه نمشيهه بلايا شراع

..

.. #وتلاقت_الأرواح

..#فاطمه_أحمد

°• البارت الثالث °•

☆☆☆☆☆

وصلت للكليه بفارغ الصبر واجت ندى سحبتها للكافتيريا وكعدنا باوعتلها مبتسمه باوعتلها بـ حده :-
ـ خلصيني كولي؟

ـ بابا يكول خوش قسمه والولد كلها تمدح بي وباخلاقه وحرامات تفوت هيج قسمه مادام تعرف مرة ابوها ماراح تسكت
ابتسمت بداخلي وشكرت ربي لان هذا الي جنت اريده ..

انتظرت نهايـة الدوام بفارغ الصبر حتى اطلع .. خلصت اخر محاضرة وتوجهت للبيت .. دخلت لكيت ميسون لازمه الباب وتحجي ويه جوراينا .. مااهتميت الها ودخلت .. على الغده وكعدنا ناكل وفتحت الموضوع ..

ـ يوم بلغي الناس ، اهل خالد اني موافقه

باوعتلي ولمت بوزها يمين ويسار
وكالت :-
ـ شعجب اقتنعتي واخيراً !!

بغضب رديت عليها :-
ـ هسه انتي مو ردتي موافقتي وهاي انطيتج الموافقه بعد على شنو هالكلام لو انتي الا تنغصين السالفه علي يالله ترتاحين؟!

ـ عيني اعصاب على كيفج عيوني لايروح يصير بيج سكر من العصبيه ههههههاي

جوابها باستهزاء وضحكتها الساخره خلاني اعوف الاكل واهرب لغرفتي بالنوم ..

كعدت العصر ونزلت لكيتها ماكو طالعه .. من رجعت عرفت راحت تنطي الخبر لاقاربهم حتى توصللهم الموافقه ..

وهمَّ ماصدكوا ثاني يوم اجت امه وساره وكعدن يتفقون على المهر .. وبدت التجهيزات
يمكن بالبدايه تحمست وفرحت لان راح اعوف ميسون بس من صارت صدگ وانُ راح اعوف بيتنا بيتنا الي ياما لعبت وبجيت وضحكت ونكزت وانجرحت وبجيت ونمت بحضن ماما وبابا وبكل مكان بي الي ذكرى .. شلون اعوفه لميسون ومنو يكول اجي لهنا بعد والمن اجي؟!!

من داومت وسولفت لندى كالت اجي اساعدج كلتلها لا مالي خلك مشاكل ميسون ..

رجعت للبيت وبدت التجهيزات وتحدد يوم الاثنين عقد القرآن والخطبه .. رحت للصالون اخذتني ساره سوولي شعري والمكياج مطوخات حييل بي كعدت ساره تعدل وتمسح وتكللهم هيج سوو .. خلصت باوعت لنفسي فستان بلون توتي وشعري يضرب على شكار خفيف مو اسود فحم مثل ماما ..

اخذوني للبيت والهلاهل والصفگات اجه الشيخ وعقدلنا وصرت زوجته ..

لحظة ماانتهى العقد وطرب بأذني صوت الهلاهل حسيت بشعور غريب .. شعور تملكني لاول مره ، اني راح اصير زوجه الأنسان .. اني راح ابدي بـ حياة جديدة !