.. #وتلاقت_الأرواح
..#فاطمه_أحمد
°• البارت الواحد والخمسون °•
مدري شمالني گبالج
ولو معذور صوتج يمسح بـ تعبي
انه جاي اعترف ع الصار أحبچ من غمج گلبي
قاطعني وحك أرنبة خشمه بـ تفكير ، دنك رافع حواجبه ، رفع عيونه بـ عيوني وهمس بـ صوت دافي
ـ چـا انـي احبـچ!
فتحت عيوني متفاجأة وصفنت بـ وجهه .. بلعت ريگ وهو ابتسم ومنتظر جواب .. تأتأت بـ تلعثم واني اجاوبه
ـ هـِشام ! مااعرف
ـ شنو ماتعرفين !!
ـ مااعرف شنو اكول مااعرف مشاعري الك شنو!
ـ مو مهم تحبيني او لا المهم اني أحبچ
ـ بس ..
ـ اششش بلا بس بلا شي .. فُـلاا اني مااريد ابتعد عنج مااريد ، فُـلاا ا..نـ..ي أ..حـ..بـ..چ
جاي تفهميني؟
ـ هِـشاااام
حجيتها وبجيت ضميت وجهي بـ اديّ ..
بسرعة عدل كعدته وضمني لـ صدرة ، همس :- ليش هالبجي عيوني أنتِ!!
سكتت وهو بقى حاضني لـ صدره .. وجهي على صدره صاير ..وايده محاوطه ظهري ..
بقينا بـ الربع ساعه ساكتين .. حطيت ايدي على صدره وغمضت عيوني .. دكات گلبه واضحه .. واني جسمي كله هادئ الا دگات گلبي كل ماجاي تزيد ..
همست بـ صوت خافت :- اول مره احس بـ هيج أمان
ـ أنتِ مأمني وأماني ..
ـ صوتك دافي ..
تدري اول مره اعيش هالشعور ، اني ليش تقبلتك بـ هاي السرعة؟
ـ لأن مشاعرنا متبادلة
ـ شو واثق حييل!
ـ احساسي مايخيب
دنگ راسه وكال :- اكلج شو صايرة تعرفين بـ الحُب وتتفلسفين منين تعرفين هالسوالف !!
ابتسمت بـ هدوء .. وعدلت نومتي على ايده .. صارت عيني على ايده .. همست
ـ هِـشام ..
ـ ضوة عيـوني
رفعت راسي من كال "ضوة عيوني" ابتسمت وهو ردلي الابتسامه .. نزلت عيوني ورجعت كملت ..
ـ هذا شنـو؟
حجيتها ورفعت ايدة و أشرت على ربطة الشعر السوده مالتي الي بـ ايدة
باوعلها وابتسم رفع راسه ودنگ باس خدي ، ابتسمت ورفعت اصبعي السبابه بـ تهديد وعيوني رافعتهن علي :- لا تغير الموضوع!
ـ هههههه ، هاي ..
ماكمل جملة وذب نفس .. كمل وعيونة مبتسمة ..
هِـشام :- هاي مرة دخلتي للحمام الجوا ونسيتيها على المغسلة ، شفتها وهيج لا إرادياً اخذتها جانت بيها ريحة طيبة كلش .. وبيومها رحت واجب واخذتها بـ أيدي كل مااشتاقلج اشمها واتذكرج وهيج احس بـ راحة عجييبه
