မြွေသားရဲ၏ဇနီးသည် 【MM Translation】

(19)

(Unicode)

“ အွန်း အွန်း!”

ရှုကျင်ထျန်းသည်လက်တစ်ဖက်၌ အခွံတစ်ခုကိုကိုင်ထားပြီး ငါးနှစ်ကောင်နှင့် ရေညှိကိုလက်တစ်ဖက်တည်းနှင့်ဆွဲလိုက်ကာ ရှုဟန်ယွီအားအဆင်သင့်ဖြစ်ကြောင်း ခေါင်းညိတ်အချက်ပြလိုက်သည်။

ရှုဟန်ယွီသည် ဘေးတွင်ရပ် နေပြီး မိန်းမပျိုလေး၏ပျားပန်းခပ်နေပုံကိုကြည့်ကာ သူ့မျက်နှာ၌နူးညံ့မှုများနှင့် ပြည့်နှက်နေလေ၏။ မိန်းမပျိုလေး၏အသံကို သူကြားလိုက်ရသောအခါ ညင်ညင်သာသာတုံ့ပြန်လိုက်သည်။

အထက်သို့ ဦးတည်သွားသောအရှိန်သည် အောက်သို့ဆင်းသည် ထက်ပိုမြန်သည်။ ရှုဟန်ယွီသည်သူ၏လူသားပုံစံကိုသာသုံးပြီး မကြာမီ ရှုကျင်ထျန်းကို မျက်နှာပြင်ပေါ်သို့ ခေါ်ဆောင်လာခဲ့သည်။

"ဟာ့ ~ ဟူး !!"

ပင်လယ်မျက်နှာပြင်ကို ဖြတ်ကျော်ပြီးသွားသည့်အခါ ရှုကျင်ထျန်းသည် သူ၏ပါးစပ်ကိုကျယ်ကျယ်ဖွင့်လိုက်ပြီး အချိန်ကြာမြင့်စွာ ကန့်သတ်ထားခဲ့သော သူ၏အဆုတ်များအတွက် အသက်ရှူထုတ်သည်။ ခဏအကြာတွင်ကောင်းမွန်စွာ ပြန်လည်သက်သာလာခဲ့သည်။

“ဟ ဟ…ဒီနေ့ကောက်ရိတ်သိမ်းမှုက အရမ်းကောင်းတယ်။ ငါတို့ကအဲဒီ့ညပုလဲကြီးကိုတောင် စုဆောင်းနိုင်ခဲ့ပြီကွ... အနာဂတ်မှာအဲဒါကိုဂူထဲမှာထည့်ပြီး မီးလုံးအဖြစ်သုံးရအောင်...ညရောက်ရင်အလင်းမရှိတာကို ငါတို့ကြောက်စရာမလိုတော့ဘူး။ ဝါး ဟား ဟား...အဟွတ် အဟွတ်! "

အခုမှရေထဲကတက်လာနိုင်တဲ့အတွက် ရှုကျင်ထျန်းရဲ့အဆုတ်က အသက်ရှူတာကိုလုံးလုံးလျားလျား ထိန်းညှိလို့မရနိုင်သေးပေ။

ခရမ်းရောင်ညပုလဲသည် ပင်လယ်မျက်နှာပြင်မှပေါ်ထွက်လာပြီး လောင်မြိုက်နေသောနေရောင်အောက်တွင်ပင် ခရမ်းရောင်ဖျော့ဖျော့ တောက်ပနေဆဲဖြစ်သည်။

ရှုဟန်ယွီသည် ရှုကျင်ထျန်း၏ ခန္ဓာကိုယ်တစ်ခုလုံးကို
စပျစ်နွယ်ပင်တစ်ခုကဲ့သို့ ပွေ့ဖက်ရစ်ပတ်နေပြီး ခြေထောက်များကလည်း ရှုကျင်ထျန်း၏ခြေထောက်များအနီးတွင် နီးကပ်စွာထိကပ်နေလေ၏။ သူတို့နှစ်ဦးစလုံး အ၀တ်စလစ်တွေဖြစ်နေကြပြီး သူတို့၏အရေပြားများသည်လည်း တစ်ဦးနှင့်တစ်ဦး ပွတ်သပ်ထိတွေ့မိနေကြသည်။