(Unicode)
“အပြင်မှာ မိုးရွာနေတယ်လို့ ငါပြောပြီးပြီလေ။ မိုးရွာထဲမှာ မင်းဖျားသွားရင် ငါတို့ဘယ်လိုလုပ်မလဲ”
ရှုကျင်ထျန်းသည် သူ့ကိုယ်ခန္ဓာကို သိပ်ဂရုမစိုက်သော ရှုဟန်ယွီအတွက် အနည်းငယ် စိတ်ဆင်းရဲသွားရသည်။
သို့သော် ရှုဟန်ယွီက မတုံ့ပြန်ခဲ့ပေ။ သူက ရှုကျင်ထျန်းဆီချဉ်းကပ်ပြီး သူ့နှုတ်ခမ်းကိုဖိပိတ်လိုက်သည်။
ရှုကျင်ထျန်းက ပထမအကြိမ်အဖြစ် သူ့ကိုမငြင်းဆန်ခဲ့ပေ။ အေးမြလန်းဆန်းသော အရည်တစ်ခုသည် ရှုဟန်ယွီ၏ ပါးစပ်မှတစ်ဆင့် သူ့ဆီသို့ဖြတ်သန်းလာသည်။ ဤကဲ့သို့ပုံစံဖြင့် 'ရေ'ပေးသည်မှာ ထင်ရှားလှသည်။
ရှုကျင်ထျန်းက မျက်တောင်ခတ်ပြီး ရှုဟန်ယွီထံမှ နောက်ပြန်မဆုတ်ခဲ့ပေ။
သို့သော် ရှုဟန်ယွီသည် သူ့အားရေတိုက်ကျွေးပြီးနောက် မိန်းမပျိုလေး၏ နှုတ်ခမ်းများကိုချန်ထားကာ ဆက်လက်မကျူးကျော်ခဲ့ပေ။
"လုံလောက်ပြီလား? မဟုတ်ရင် ကိုယ်ထပ်ယူပေးမယ်"
ရှုဟန်ယွီသည် မိန်းမပျိုလေးရှေ့မှာ ဝပ်တွားကာ တိုးတိုးလေးပြောလိုက်သည်။
ရှုကျင်ထျန်းက ရေမစိုချင်ဘူးဆိုတော့ ရှုဟန်ယွီကလည်း သူ့ခန္ဓာကိုယ်ကိုမထိဘူး။
“လုံလောက်ပြီ၊ လုံလောက်ပြီ”
ရှုကျင်ထျန်း၏စိတ်ထဲမှာ အနည်းငယ် တုန်လှုပ်သွားသလို ခံစားလိုက်ရပြီး ရှုဟန်ယွီရဲ့အနမ်းကြောင့် တွန်းထုတ်ဖို့ကိုတောင် ရုတ်တရက် သတိမရနိုင်တော့ဘူး။ ပါးစပ်နဲ့တစ်ဆင့် ပေးလာတဲ့ရေကလည်း ညစ်ပတ်တယ်လို့ မခံစားရဘူး။ ရှုကျင်ထျန်းက ခေါင်းငုံ့ပြီး နှုတ်ခမ်းကိုဖိကိုက်ထားလိုက်သည်။
ရှုဟန်ယွီသည် ရှုကျင်ထျန်းကို မထိတွေ့မီ သူ့ကိုယ်သူ ရေခြောက်သွားအောင် စောင့်နေလိုက်သည်။ မိန်းမပျိုလေး၏ ခန္ဓာကိုယ်သည် တိုးတက်မှုအနည်းငယ်မျှမရှိဘဲ ပူနေသေးသည်။
"ထျန်းထျန်း ပူနေတာလား။ မင်းခန္ဓာကိုယ်က ဘာလို့ဒီလောက်ပူနေရတာလဲ"
YOU ARE READING
မြွေသားရဲ၏ဇနီးသည် 【MM Translation】
FantasyTitle - Beastman Forcefully Raising a Wife (Unicode) ချမ်းသာသော ဒုတိယမျိုးဆက်သခင်လေး ရှုကျင်ထျန်းဟာ ပြန်ပေးဆွဲခံရပြီးနောက် ရုတ်တရက်တခြားကမ္ဘာသို့ရောက်သွားခဲ့လေသည်။ သူသည်ရက်စက်သော စပါးအုံးမြွေအသိုက်သို့ ပြန်ပေးဆွဲခံခဲ့ရသည်။ သို့သော်သူသည် သူ့ကိုမစားရု...
