(Unicode)
အပြင်ဘက်တွင် မိုးသည်းထန်စွာရွာသွန်းပြီး တောင်များနှင့် သစ်တောများရှိ အရာအားလုံးက အပြင်းအထန် ဆေးကြောခံထားရသလိုပင်။
မိုးရေနှင်အတူ တိုက်ခတ်နေသောလေသည် ဂူထဲသို့ ရေမှုန်ရေမွှားလေးများကို မှုတ်ထုတ်လိုက်ရာ ဂူဝင်ပေါက်အတွင်းသို့ စိမ့်ဝင်သွားပြီး ကျောက်ဆောင်နှင့် ရွှံ့ မြေအနည်းငယ်ကိုပင် စိုစွတ်စေသည်။
ရှုကျင်ထျန်းသည် ရှုဟန်နီ၏ အေးစက်နေသော ခေါင်းကို ပွေ့ဖက်ကာ ရွှင်မြူးစွာဖြင့် သူ့ပေါင်ပေါ်တင်လိုက်သည်။
"နောက်ဆုံးတော့ မင်း နိုးလာပြီ။ မင်း အိပ်နေတာ သုံးရက်သုံးညရှိနေပြီ သိရဲ့လား။ ဘာမှ တုံ့ပြန်မှုလည်း မရှိဘူး သေနေသလိုပဲ....အဟွတ်...နောက်ဆုံးတော့ မင်း နိုးလာပြီ"ရှုဟန်ယွီသည် မိန်းမပျိုလေး၏ နွေးထွေးသောခန္ဓာကိုယ်ကို ဖိကပ်ထားပြီး ချစ်စဖွယ် ပွတ်သပ်ပေးလိုက်သည်။ ရှုဟန်ယွီက သူ့လက်တွဲဖော်ကို တစ်ချက်ကြည့်လိုက်ပြီး သူ့နှလုံးသားထဲ ပြည့်လျှံသွားလေ၏။
ထျန်းထျန်းက သူ့အပိုင်ပဲ! သူတို့နှစ်ဦးကြား ဘယ်သူကမှ ကြားဝင်ဖို့မဖြစ်နိုင်ဘူး။
ရှုကျင်ထျန်းသည် ရှုဟန်ယွီနိုးလာသည်ကိုမြင်လိုက်ရတာကြောင့် သူ၏စိတ်မကျေမနပ်မှု အနည်းငယ် လျော့ပါးသွားသည်။ ရှုကျင်ထျန်းက အနည်းငယ် ငြိမ်သက်သွားပြီး ရှုဟန်ယွီ၏ဒဏ်ရာကို စစ်ဆေးကြည့်လိုက်သည်။ ဆလင်ဒါသဏ္ဍာန် ရှည်လျားနေတဲ့ အစိမ်းရောင် အသားအရည်မှာ ဒဏ်ရာတွေရှိနေပြီး ထိုဒဏ်ရာတွေအနီးတစ်ဝိုက်တွင် အနာဖေးများ စတင်ဖြစ်ပေါ်လာပြီကို သူမြင်လိုက်ရသည်။
ယခင်က ရှုကျင်ထျန်းသည် ဤအရာများကို သတိမထားမိဘဲ ရှုဟန်ယွီအတွက်သာ အလွန်စိုးရိမ်နေခဲ့သည်။ ယခု ရှုဟန်ယွီနိုးလာသည်နှင့်အမျှ ရှုဟန်ယွီ ပြန်လည်ကောင်းမွန်နေပြီဆိုတာကို သဘောပေါက်သဖြင့် သူလည်း သက်သာရာရသွား၏။
ထိုသို့သော ပြန်လည်ကောင်းမွန်မှု အရှိန်အဟုန်သည် အံ့သြစရာပါပင်။ ရှုကျင်ထျန်းသာ ရှုဟန်ယွီ၏အနားမှာရှိနေခဲ့တာ မဟုတ်လျှင် ထိုသူ၏ဒဏ်ရာများက လွန်ခဲ့တဲ့ သုံးရက်လောက်က ဖြစ်ခဲ့သည်ဟု မယုံနိုင်ပေ။ သေလုမျောပါးနဲ့ မြွေကြီးပေါ်လာတာကိုမြင်တော့ အချိန်အတော်ကြာအောင် ပြုစုရဦးမည်ဟု သူထင်ခဲ့သည်။ ဒီကာလမှာ သူ့မိသားစုအတွက် အထောက်အပံ့ဖြစ်စေဖို့တောင် စိတ်ကူးထားခဲ့သည်။ အဲ့တော့ ရှုဟန်ယွီက ဘာကြောင့် သတိလစ်သွားတာလဲ?
YOU ARE READING
မြွေသားရဲ၏ဇနီးသည် 【MM Translation】
FantasyTitle - Beastman Forcefully Raising a Wife (Unicode) ချမ်းသာသော ဒုတိယမျိုးဆက်သခင်လေး ရှုကျင်ထျန်းဟာ ပြန်ပေးဆွဲခံရပြီးနောက် ရုတ်တရက်တခြားကမ္ဘာသို့ရောက်သွားခဲ့လေသည်။ သူသည်ရက်စက်သော စပါးအုံးမြွေအသိုက်သို့ ပြန်ပေးဆွဲခံခဲ့ရသည်။ သို့သော်သူသည် သူ့ကိုမစားရု...