မြွေသားရဲ၏ဇနီးသည် 【MM Translation】

(35)

(Unicode)

ရှုကျင်ထျန်းသည် မီးထွန်းညှိပြီး ပင်လယ်ခရုခွံကြီးကို ရေဖြည့်ကာ ဆူအောင်တည်ရန် အလယ်ဗဟိုတွင် ထားလိုက်သည်။

တစ်ချိန်တည်းမှာပင်၊ သူသည် ရိုးရိုးမီးဖိုတစ်ခုကို ဆောက်ပြီး အတုံးကြီးများဖြတ်ထားသည့် အသားအနည်းငယ်ကို ချိတ်ဆွဲထားသည်။ အသားများကို ဟင်းခတ်အမွှေးအကြိုင်များဖြင့် လိမ်းကျံထားပြီး ကင်ထားစဉ်တွင် အမွှေးနံ့မျိုးစုံ ထွက်ပေါ်နေလေ၏။

“ဝါး! မွှေးလိုက်တာ~"

ရှုကျင်ထျန်းမှာ မီးကင်ထားတဲ့ အသားတွေကို စိုက်ကြည့်ပြီး တံတွေးတွေ ဆက်တိုက်မျိုချနေရသည်။ ကျက်အောင်ပြုတ်ပြီး ကင်ထားတဲ့ တံစို့တစ်ချောင်းကိုဖြုတ်ပြီး ပြင်ဆင်ထားတဲ့ အသားတွေနဲ့ အစားထိုးပြီး ဆက်လက်ကင်လိုက်သည်။

"ဟန်ယွီ မင်းလည်း စမ်းကြည့်၊ ကြည့်ရတာ အရမ်းကောင်းမယ့်ပုံလေး”

ရှုကျင်ထျန်းသည် မြွေကြီးက အပူကိုကြောက်မှန်းသိသောကြောင့် ချက်ချင်းမပေးဘဲ အအေးခံရန် သစ်ရွက်တစ်ရွက်ပေါ်တွင် တင်ထားလိုက်သည်။

ရှုဟန်ယွီသည် ရှုကျင်ထျန်းမကြိုက်သောအသားကိုသာ စားပြီး ဘေးမှာ အိပ်ငိုက်နေ၏။ သူ၏ခန္ဓာကိုယ်မှာ ရှည်လျားလွန်းသဖြင့် သူ၏ဦးခေါင်းမှာ ရှုကျင်ထျန်း၏ဘေးနားတွင် ရှိနေပြီး သူ၏အမြီးမှာတော့ ဂူအတွင်း၌ ဆန့်ထုတ်ထားခဲ့သည်။

ရှုဟန်ယွီက မိန်းမပျိုလေး၏စကားကိုကြားတော့ မျက်လုံးတစ်ဝက်ကိုဖွင့်လိုက်ပြီး တောက်ပစွာကြည့်လိုက်သည်။ ထို့နောက် သူ၏ခက်ရင်းခွသဏ္ဍာန်လျှာကို ထုတ်လိုက်သည်။

ရှုကျင်ထျန်းလည်း ရှုဟန်ယွီကို အနှောက်အယှက်မပေးတော့ဘဲ သူ့အစာတွေကိုသာ ဆက်စားနေလိုက်တော့သည်။ လွန်ခဲ့သည့် နှစ်ရက်လုံးလုံး သူသိပ်မစားခဲ့။ ယနေ့နံနက်တွင် သူသည် ရှုဟန်ယွီ ကင်ထားသော အသား၏ကြီးမားသော အစိတ်အပိုင်းကို လွှင့်ပစ်ခဲ့ရပြီး လက်ရှိတွင် ငတ်မွတ်ခြင်းကြောင့် ရူးသွပ်သွားတော့မတတ်ပင်။

ထိုအချိန်တွင် အခွံအတွင်းရှိ ရေများကို ကျိုချက်ထားသောကြောင့် ရှုကျင်ထျန်းသည် သစ်ရွက်ကြီးတစ်ရွက်ကို ခွက်တစ်ခုခေါက်ပြီး ပြုတ်ထားသောရေကို ခွက်ထဲသို့လောင်းထည့်ကာ အအေးခံရန် ဘေးဘက်တွင်ထားလိုက်သည်။ သူနောက်ဆုံးထွက်ပြေးတော့ အသားဟင်းချက်ဖို့အတွက် အရွက်တွေသုံးပြီး ခွက်တစ်ခွက်လုပ်ဖို့ စိတ်ကူးတဲ့သူတစ်ယောက်ကို တွေ့လိုက်ရသည်။ ယခုအချိန်တွင် ရေသိုလှောင်ရန် အိုးများမရှိပေ။ အနာဂတ်တွင်တော့ သူသည် သစ်သား သို့မဟုတ် တစ်ခုခုဖြင့် ခွက်များကို ဖန်တီးနိုင်ရမည်ဖြစ်သည်။