(Unicode)
"အိုး...အဲ့ဒါဆို ငါ့ဘာသာ သားဖောက်မယ်!"
ရှုကျင်ထျန်းက စကားပြောပြီးတာနဲ့ ထူးဆန်းသလိုခံစားရပြီး သူ့လျှာသူဖွဖွလေးကိုက်လိုက်သည်။ သို့သော် သူပြောသည့်စကားကိုမပြင်မီ တစ်ခြားဆီသို့ အာရုံရောက်သွားခဲ့သည်။ဤဥများသည် အရွယ်အစား မသေးငယ်ပေ။ ဥများမကွဲစေရန် ရှုကျင်ထျန်းက နူးညံ့စွာပွေ့ဖက်ထားရသည်။ သို့သော် ဤအနေအထားဖြင့် အချိန်ကြာမြင့်စွာ ထိန်းသိမ်းရန် အလွန်ခက်ခဲသည်။ ခဏလောက်စဉ်းစားပြီးနောက် ရှုကျင်ထျန်းသည် ကုတင်ထောင့်အောက်ခြေရှိ မြက်များကိုဆွဲထုတ်ကာ တွင်းတစ်တွင်းတူးလိုက်သည်။ ဥတွေထည့်လို့ရတဲ့အထိတူးပြီး အကောင်ပေါက်ဖို့ တွင်းအပေါ်ကတက်အိပ်သင့်သည်။
"ဟန်ယွီ ငါ့ကို ကူညီပါဦး။ ဥတွေထည့်ဖို့ တွင်းတူးချင်လို့"
ရှုကျင်ထျန်းက နေရာကို ရွေးလိုက်ပြီး ကျောက်ခဲများကိုဘေးတွင် စုပုံထားလိုက်သည်။"ကောင်းပြီ!"
ရှုဟန်ယွီသည် ရှုကျင်ထျန်းကို သဘောကျသောကြောင့် ရှုကျင်ထျန်း၏ဆန္ဒကို တတ်နိုင်သမျှ ဖြည့်ဆည်းနိုင်အောင် ကြိုးစားလေ့ရှိသည်။ ရှုဟန်ယွီသည် မိန်းမပျိုလေး ဘာလုပ်နေသည်ကို နားမလည်သော်လည်း ကုတင်ပေါ်မှ ထရန် တုံ့ဆိုင်းမနေဘဲ ပစ္စည်းများကိုင်ဆောင်က ကုတင်အောက်တွင် တွင်းတူးရန် ရုန်းကန်နေသည့် မိန်းမပျိုလေးအား ပေးလိုက်သည်။ရှုကျင်ထျန်းသည် ဥများအားလုံးကို ထည့်နိုင်လောက်အောင် ကြီးမားသော တွင်းကြီးတစ်ခုကို တူးပြီးနောက် အောက်ခြေတွင် တိရိစ္ဆာန်အရေခွံကို ဖြန့်ခင်းလိုက်သည်။ ထို့နောက် ဥများကို တစ်ခုပြီးတစ်ခု ဂရုတစိုက် ချထားလိုက်သည်။ ရှုကျင်ထျန်းသည် နောက်ဆုံးတွင် တိရစ္ဆာန်အရေခွံများကို ခင်းပြီး ဂရုတစိုက်ဖြင့် မြွေဥများကို မဖိမိအောင်လုပ်လိုက်သည်။
အိုခေ...ဒါက အရမ်းအဆင်ပြေတယ်။ တိရစ္ဆာန်အရေခွံရဲ့အပူနဲ့ ကာရံထားရင် ဥတွေက မြန်မြန်အေးမသွားဘဲ မြန်မြန်လည်း ပူလာမှာမဟုတ်ဘူး။ ဥများ၏ကျန်းမာရေးအတွက် အလွန်အကျိုးရှိစေလိမ့်မည်။
YOU ARE READING
မြွေသားရဲ၏ဇနီးသည် 【MM Translation】
FantasyTitle - Beastman Forcefully Raising a Wife (Unicode) ချမ်းသာသော ဒုတိယမျိုးဆက်သခင်လေး ရှုကျင်ထျန်းဟာ ပြန်ပေးဆွဲခံရပြီးနောက် ရုတ်တရက်တခြားကမ္ဘာသို့ရောက်သွားခဲ့လေသည်။ သူသည်ရက်စက်သော စပါးအုံးမြွေအသိုက်သို့ ပြန်ပေးဆွဲခံခဲ့ရသည်။ သို့သော်သူသည် သူ့ကိုမစားရု...