မြွေသားရဲ၏ဇနီးသည် 【MM Translation】

(45.1)

(Unicode)

တောင်ပေါ်လေမှာ အလွန်ပြင်းထန်ပြီး ပဲ့တင်သံများကလည်း အဆက်မပြတ် ထွက်ပေါ်နေ၏။ မုန်တိုင်းဒဏ်ကြောင့် ကျိုးသွားခဲ့သော သစ်ကိုင်းများသည် မိုးရေထဲတွင် ရက်အတော်ကြာအောင် စိုစွတ်နေပြီး မယုံနိုင်လောက်အောင် ပုတ်ပွနေ၏။ မိုးက ကြည်လင်ပြီး နေ့တစ်ဝက်သာရှိတော့ လေပြင်းကြောင့် ခြောက်သွားတယ်။

ရှုဟန်ယွီသည် ထင်းခြောက်တစ်ချို့ကို တစ်ဖန်စုဆောင်းပြီး နံဘေး၌ စုပုံထားသည်။ သူသည် ထင်းတွေကို တောင်ငယ်တစ်ခုသဖွယ် စုပုံထားခဲ့၏။

ရှုဟန်ယွီသည် သူလိုက်ဖမ်းထားသော သားကောင်ကို သစ်ပင်ကြီး၏ အရွက်ပေါ်တွင် တင်ထားဆဲဖြစ်သည်ကို မြင်လိုက်ရသည်။ သန့်စင်ထားသော ဟင်းခတ်အမွှေးအကြိုက်များကလည်း နေရာပင်မရွေ့။ အမျိုးသမီးက မီးမွှေးပြီး အသားကင်လုပ်မယ့်အစား မီးဘေးမှာထိုင်ပြီး ကန်စွန်းဥကိုသာ ကင်စားနေ၏။

ရှုဟန်ယွီက မျက်မှောင်ကြုတ်ပြီး ရှုကျင်ထျန်းနောက်သို့ လျှောက်သွားလိုက်သည်။ ထို့နောက် သူကမျက်မှောင်ကြုံ့ပြီး
"ဘာလို့ ကန်စွန်းဥတွေ ထပ်စားနေတာလဲ။ အဲ့တာကိုငြီးငွေ့နေပြီလို့ မင်း မပြောခဲ့ဘူးလား။ မင်း အသားမကင်ဘူးလား။ အဲ့ဒါက ကြာရင် လတ်ဆတ်တော့မှာ မဟုတ်ဘူး"

ရှုကျင်ထျန်းက ဝမ်းနည်းစွာ သက်ပြင်းချလိုက်ပြီး သူ့ဗိုက်ကို ငုံ့ကြည့်လိုက်သည်။ ထို့နောက် အဝေးက မလှမ်းမကမ်း အခွံခွာထားသော တိရိစ္ဆာန်ကြီးကို ကြည့်ကာ
"ကင်တာက အစိမ်းစားတာထက် ပိုကောင်းတယ်။ မင်းအသားကို မင်းဘာသာစား ငါ မစားဘူး"

"မဟုတ်ဘူး၊ အခု မင်း ဥတွေလွယ်ထားရပြီ။ မြန်မြန်မွေးနိုင်ဖို့ အသား များများစားရမယ်။ ကိုယ်တို့မှာ အစာက မလုံလောက်လို့ မဟုတ်ဘူး။ ဒါကြောင့် ထျန်းထျန်း အစာစားဖို့တုံ့ဆိုင်းမနေနဲ့"

ရှုဟန်ယွီသည် မိန်းမပျိုလေး ကိုက်နေသော ကန်စွန်းဥကိုကြည့်ကာ ပို၍စိတ်ပျက်လာသည်။ ဤအရာများကို မူလက မိန်းမပျိုလေးအတွက် သရေစာအဖြစ် တွေ့ရှိခဲ့ပြီး ယခုအခါ ၎င်းတို့သည် သူ၏အဓိက အစားအစာ ဖြစ်လာခဲ့သည်။