မြွေသားရဲ၏ဇနီးသည် 【MM Translation】

(41)

(Unicode)

လှိုဏ်ဂူသည် ခြောက်သွေ့အေးမြသော်လည်း အပြင်ဘက်တွင်မူ မိုးကအုံ့မှိုင်းနေလေ၏။ မိုးဖွဲလေးများက ပြင်းထန်စွာကျဆင်းလာကာ မိုးရေများက တောင်ပေါ် သစ်တောများကို ဖြတ်သန်းစီးဆင်းကြပြီး အလွန်မြင့်သော သစ်ပင်ကြီးများသည် ဘယ်ဘယ်ညာညာ ရွေ့လျားနေကြသည်။

ရှုကျင်ထျန်းသည် ရှုဟန်ယွီ၏စကားကိုကြားသောအခါတွင် အနည်းငယ် ထိတ်လန့်သွားကာ
"ငါလည်း လိုက်မယ်"

ရှုဟန်ယွီသည် မိန်းမပျိုလေးကို သတို့သမီးပုံစံ ပွေ့ချီလိုက်သည်။

"အင်း၊ ထျန်းထျန်း နည်းနည်းတော့ သည်းခံလိုက်နော် ကိုယ်တို့ မကြာခင် ပြန်လာမှာပါ"
ရှုဟန်ယွီက တိရိစ္ဆာန်အရေခွံနှင့် တင်းတင်းကျပ်ကျပ် ထုပ်ပိုးထားတဲ့ မိန်းမပျိုလေးရဲ့မျက်နှာကို ပွတ်သပ်ပြီး ပြောလိုက်သည်။

ရှုကျင်ထျန်းသည် ထိုအချိန်မှပင် သတိဝင်လာခဲ့သည်။ ရှုဟန်ယွီက အမြဲလေးနက်နေခဲ့သည်။ ရှုဟန်ယွီက သူ့ကို အမြဲဂရုစိုက်ပြီး သူ့ကို မိုးရေမစိုစေချင်ခဲ့ပေ။

ဒါပေမယ့် မြွေကြီး အစာရှာသွားတိုင်း သူဟာ လိပ်ပြာသန့်သန့်နဲ့ အိမ်မှာစောင့်နေခဲ့သည်။ တကယ်မသင့်တော်တာပဲ! ထို့ကြောင့် ရှုကျင်ထျန်းက ခေါင်းညိတ်သဘောတူသည်။

ရှုဟန်ယွီသည် မိန်းမပျိုလေးကို မိုးရေစိုခြင်းမှကာကွယ်ရန် လူသားအသွင်ဖြင့် သယ်ဆောင်ပြီး သူ၏ဝိညာဉ်သားရဲမြွေအသွင်သို့ မပြောင်းခဲ့ပေ။

ဒါပေမယ့် မိုးရေထဲမှာ သားကောင်ရှာရခက်ခဲသည်။ ရှုဟန်ယွီနှင့် ရှုကျင်ထျန်းသည် နေရာတိုင်းကို ရှာဖွေခဲ့သည်။ မိုးရေထဲတွင် အမဲလိုက်နေသော အသားစားသော သားရဲတစ်ကောင်ကို မတွေ့ရှိမီ အချိန်တော်တော်ယူခဲ့ရသည်။

အရွယ်အစားကြီးသော သားကောင်ကြောင့် ရှုဟန်ယွီသည် ရှုကျင်ထျန်းကို ရစ်ပတ်ထားရင်း ဝိညာဉ်မြွေအဖြစ်သို့ ပြောင်းလဲရန်မှတပါး အခြားရွေးချယ်စရာမရှိတော့ပေ။

ရှုကျင်ထျန်းသည် တိရိစ္ဆာန်အရေခွံဖြင့်ပတ်ထားသော်လည်း ရှုဟန်ယွီက သူ့ကို ဂရုမစိုက်နိုင်သောကြောင့် မိုးရေများတဖြည်းဖြည်း စိုရွှဲလာသည်။ မိုးဆက်တိုက်ရွာပြီးတဲ့နောက်မှာ အပူချိန်က တော်တော်လျော့ကျသွားသည်။ ဂူထဲသို့ ပြန်ရောက်သောအခါ ရှုကျင်ထျန်းမှာ အအေးဒဏ်ကြောင့် တုန်ယင်နေပြီ။