ငါ့ခင်ပွန်းကို နေ့တိုင်း အလိုလိုက်နေရတယ် (ဘာသာပြန်)

အပိုင်း ၁

Unicode

ငါ့ခင်ပွန်းကို နေ့တိုင်း အလိုလိုက်နေရတယ်

အပိုင်း ၁ - ချင်ကောနဲ့ ဝူထုန် ၁

ကျောက်စိမ်းတောင်သည် မြို့တော်၏ဆင်ခြေဖုံးတွင်ရှိသော ဗီလာခရိုင်တစ်ခုဖြစ်သည်။ အစောကြီးကတည်းက တည်ဆောက်ထားတာဖြစ်တာကြောင့် ခရိုင်က မြို့လယ်ခေါင် နှင့် သိပ်မဝေးပေ။ ဒါပေမယ့် ၎င်း၏တည်နေရာကြောင့် ဗီလာအိမ်များတွင် နေထိုင်သူအများစုမှာ ချမ်းသာပြီး သြဇာညောင်းသူများဖြစ်သည်။

ချင် မိသားစုသည် ဤနေရာတွင် အခြေချနေထိုင်သည့် ပထမဆုံးမိသားစုများထဲမှ တစ်စုဖြစ်သည်။

သူတို့သည် အဖြူရောင်ဥရောပပုံစံ ဗီလာ၊ သုံးထပ်မြင့်သော သစ်ပင်ဥယျာဉ်တစ်ခု၊ ပြောင်မြောက်လှသော ရေပန်းများနှင့် ကျက်သရေရှိသော ပန်းပုရုပ်တုများဖြင့် နေထိုင်ကြသည်။ ပထမတစ်ချက်တွင် ၎င်း၏မြက်ခင်းပြင်ထက်တွင် ပျံသန်းနေသော စွန်များသည် အရှေ့ပိုင်းယဉ်ကျေးမှု၏ အသွင်အပြင်ကို ကိုင်စွဲထားပုံရသည်။

ဒုတိယထပ် လသာဆောင်မှ မစ္စစ်ချင်သည် မြက်ခင်းပြင်၌ ယောက်ျားလေးတစ်ယောက်နှင့် ဆော့ကစားနေသည့် သားကြီးကို ကြည့်ရှုနေစဉ် လေးလေးနက်နက် မျက်မှောင်ကြုတ်ထားခဲ့သည်။

ဒုတိယသားဖြစ်သူ ချင်ဟွိုက်သည် သူ့မိခင် မျက်နှာပေါ်က မည်းမှောင်တဲ့ အမူအရာကိုမြင်ပြီး "ဘာဖြစ်လို့လဲ အမေ"ဟုမေးလိုက်သည်။

"မင်း အစ်ကိုပေါ့ " မစ္စစ်ချင်က သက်ပြင်းချပြီး ဧည့်ခန်းဆီသို့ လှည့်ပြန်သွားခဲ့သည်။

ချင်ဟွိုက်က မြက်ခင်းပြင်ဆီ ငုံ့ကြည့်ပြီးနောက် လှည့်ကာ ဧည့်ခန်းဆီသို့ သူ့အမေနောက်ကနေ လိုက်သွားခဲ့သည်။

မစ္စတာ ချင်က လှေကားက ဆင်းလာတဲ့ ဇနီးဖြစ်သူရဲ့ မျက်နှာအမူအရာကို မြင်သောအခါ သူသည် သတင်းစာဖတ်နေရာမှ ချလိုက်ပြီး "မျက်နှာက ဘာဖြစ်နေတာလဲ" ဟု မေးလိုက်သည်။

"ရှင့်အပူမပါဘူး" ဟု တစ်ချက်ကြည့်ပြီး တုံ့ပြန်သည်။

"ဒီတစ်​ခါ မင်းကို ဘယ်​သူ စိတ်အနှောင့်​အယှက်​ဖြစ်အောင်လုပ်လိုက်တာလဲ "