ငါ့ခင်ပွန်းကို နေ့တိုင်း အလိုလိုက်နေရတယ် (ဘာသာပြန်)

အပိုင်း ၂၉

Unicode

ငါ့ခင်ပွန်းကို နေ့တိုင်း အလိုလိုက်နေရတယ်

အပိုင်း ၂၉

“သူတို့အိမ်ထောင်ရေးက အဆင်ပြေတဲ့အိမ်ထောင်ရေးဆိုတာ ရှင်းရှင်းလင်းလင်းသိတယ်။ ဒါ့အပြင် ငါတို့မိသားစုရဲ့ အဆင့်အတန်းက ချင် မိသားစုရဲ့အောက်မှာရှိနေတာ။ ချင် မိသားစုရဲ့ ဒုတိယသခင်လေး အစ်မကိုပြန်သဘောကျရင်တော့ အရာအားလုံး အဆင်ပြေသွားလိမ့်မယ်။ ဒါပေမယ့် သူ သဘောမကျဘူးဆိုရင်တော့ အစ်မ ချင် မိသားစုရဲ့ ဒုတိယသခင်လေး နောက်လိုက်ရင် ဒုတိယဝမ်းကွဲအတွက် အဆင်မပြေဖြစ်သွားလိမ့်မယ်"

"နင် ကိုယ့်အစ်မကို စော်ကားဖို့ ကြိုးစားနေတာလား"  ဝူကျစ်ကျစ်က သူမမောင်လေးကို ရိုက်နှက်ဖို့သည်းမခံနိုင်တော့ဘူး  "ချင် မိသားစုရဲ့ အကြီးဆုံး သခင်လေးက ဝူထုန်ကို တကယ်ပဲ ချစ်မိသွားလိမ့်မယ်လို့ နင်တကယ်ထင်နေတာလား"

"ဘာလို့မဖြစ်နိုင်ရမလဲ။ သူတို့နှစ်ယောက်လုံး ကြည့်လို့ကောင်းတယ်လို့ ထင်တာပဲ ” လို့ ဝူခိုင်က ပြန်ပြောခဲ့သည်။

“နင် မျက်စိကန်းနေတာပဲဖြစ်မယ်။  ဒီနေ့ ချင် မိသားစုရဲ့ အကြီးဆုံး သခင်လေး ဝတ်ထားတာကို နင် မမြင်ဘူးလား"  လို့ဝူကျစ်ကျစ် မေးလိုက်သည်။

ဝူခိုင်က ချင်ကော ဝတ်ထားတဲ့ပုံစံကို ပြန်သတိရသွားခဲ့ပြီး “တီရှပ်နဲ့ ပျောက်ကြား ဘောင်းဘီ” လို့ တုံ့ပြန်ပြီးစကားပြောခဲ့သည်။

"နောက်ပြီးတော့ တစ်ခြားသူတွေရော ဘာဝတ်ထားသေးလဲ"  ဝူကျစ်ကျစ်က သတိပေးလိုက်သည်။

ဝူခိုင်က ရုတ်​တရက်​ ဝူကျစ်ကျစ် ​ဘာကိုဆိုလိုချင်တာလဲဆိုတာကို သတိထားမိလိုက်​သည်​။  ဒီနေ့ ညစာသွားစားဖို့ သူ့အမေက သုံးရက်အလိုမှာ သူတို့ရဲ့ ဝတ်စုံတွေကို စပြီးရွေးခဲ့သည်။  ဝူနဲ့ ချင် မိသားစုမှ လူတိုင်းက သင့်တော်တဲ့ ၀တ်စုံများနှင့် suit တွေကို ၀တ်ဆင်ထားသည်။  ပေါ့ပေါ့ပါးပါး ၀တ်ဆင်ထားသူမှာ ချင်ကောသာဖြစ်ပြီး Gym သွားပြီး ချက်ချင်းရောက်လာခဲ့သလိုပဲ။ ချင်ကော စားသောက်ဆိုင်ထဲကို စဝင်လာခဲ့တုန်းက သူ ထူးထူးခြားခြား မခံစားခဲ့ရပေ။