ငါ့ခင်ပွန်းကို နေ့တိုင်း အလိုလိုက်နေရတယ် (ဘာသာပြန်)

အပိုင်း ၅၂

Unicode

ငါ့ခင်ပွန်းကို နေ့တိုင်း အလိုလိုက်နေရတယ်

အပိုင်း ၅၂

ဝူထုန်က ယောက်ျားတစ်ယောက်က တစ်ယောက်ယောက်ကို အပြစ်တင်ဆုံးမနေသံကြောင့် စိတ်ရှုပ်ပြီး နိုးလာခဲ့သည်။ ဝူထုန်က အိပ်ခန်းထဲက လိုက်ကာကိုဖွင့်လိုက်ပြီး အိမ်ကလူနှစ်ယောက်က ခြံဝင်းထဲမှာ မျက်နှာချင်းဆိုင်ရှိနေတာကို တွေ့လိုက်ရသည်။

ချင်ကောက ပြောခဲ့သည်။ "ဒီမနက် Rubik's Cubeနဲ့ကစားမယ့်အစား အဖေနဲ့ လိုက်ပြေး"

ဖေးဖေးက ဝက်ဝံညအိပ်ဝတ်စုံလေး ၀တ်ထားပြီး သူ့ခေါင်းပေါ်က ဆံပင်တွေကက ချောမွေ့နေခြင်းမရှိပေ။  တစ်ချက်ကြည့်လိုက်ရုံနဲ့ ကုတင်ပေါ်ကနေ တိုက်ရိုက်ဆွဲခေါ်သွားတာခံခဲ့ရတာ သိသာသည်။

"မနေ့ညက မင်း အဖေနဲ့ပထမဆုံး လေ့ကျင့်ခန်းစလုပ်မယ်လို့ အဖေတို့သဘောမတူခဲ့ဘူးလား။ အုတ်မြစ်ချ ပြီးရင် အဖေက မင်းကို စစ်ရေးလက်ဝှေ့နဲ့  ကန်ချက်တွေကို သင်ပေးမယ်"  ချင်ကောက ဖေးဖေးကို ထပ်ပြီး ဆွဲဆောင်ဖို့ ကြိုးစားခဲ့သည်။

ဖေးဖေးက Rubik's Cube ကို သူ့လက်ထဲ ကိုင်ထားပြီး ခေါင်းမာတဲ့ မျက်နှာထားနဲ့ ချင်ကောကို စိုက်ကြည့်ကာ နောက်ဆုံးတွင် သူ့မျက်နှာပေါ်တွင် အနည်းငယ်သော အမူအရာများ ရှိနေသည်။

"မင်းစကားမပြောရင် အဖေ့ရဲ့သဘောအတိုင်း ဆက်ဆံမှာနော် "ချင်ကော သူ့အင်္ကျီကို ချွတ်လိုက်ပြီး သူ့ရဲ့ ကြံ့ခိုင်တဲ့ ခန္ဓာကိုယ် အပေါ်ပိုင်းကို ထုတ်ဖော်လိုက်ပြီး သူ့အဝတ်အစားတွေကို သူ့ဘေးက ကုလားထိုင်ပေါ်မှာ ပေါ့ပေါ့ပါးပါး တင်လိုက်သည်။ သူက  ဖေးဖေး လက်ထဲက cubeကို ယူဖို့ လက်လှမ်းလိုက်သည်။ " အရင်ဆုံး အဲ့တာကိုချထားလိုက်။ ပြန်လာမှဆော့ "

ဖေးဖေးက Rubik's Cube ကို ကိုင်ပြီး သတိကြီးကြီးနဲ့ နောက်ပြန်ဆုတ်သွားသည်။

"ဖွက်ထားတယ် ဘာဖွက်ထားတာလဲ " ချင်ကော ဖေးဖေး နောက်ဆုတ်သွားတာကို မြင်လိုက်ကာ မပျော်ရွှင်နေတဲ့လူကို ချက်ချင်း ကောက်ချီလိုက်သည်။