Chapter 20 – လုရှရဲ့အကြံအစည်
" ဘာလို့မသင့်တော်ရမှာလဲ? အလုပ်ကိုလူစားထိုးတာပုံမှန်ပဲလေ နင်ကအလုပ်ကိုရောင်းစားနေတာမှမဟုတ်တာ ပြီးတော့ ဒါကနင့်အစ်မအရင်းအတွက်လေ"
အမေလုပြောလိုက်သည်။
ထိုအချိန်တွင် အမေလုမျက်နှာနက်မှောင်သွားပြီး ဒေါသတကြီးဖြင့် " ဘာလဲ? နင့်အစ်မကိုမပေးချင်လို့လား?"
" မဟုတ်ပါဘူး"
လုရှခေါင်းခါလိုက်တယ်။
" မီးသီးစက်ရုံမှာလက်ထောက်ဒါရိုက်တာအသစ်ရောက်နေတာ သူတို့ကအလုပ်သမားတွေအတွက်တင်းကြပ်တဲ့လိုအပ်ချက်တွေရှိတယ်လို့ ကျွန်မကြားမိလို့ပါ ဝန်ထမ်းအားလုံးကစာမေးပွဲရလာဒ်အပေါ်မူတည်ပြီး ဝင်ခွင့်ရမှာ ဒါ့ကြောင့်ကျွန်မအောင်မြင်ခဲ့တာပဲ"
ဒီစကားကြားလိုက်ရတော့ လုမိသားစုသည် နောက်ဆုံးမှာသဘောပေါက်သွားကြသည်။
ဒီလိုကောင်းမွန်တဲ့အလုပ်တစ်ခုကို ဘာကြောင့်တခြားစက်ရုံကခေါင်းဆောင်ရဲ့ ကလေးအတွက်သီးသန့်ဖယ်မထားပေးပဲ သူတို့မိသားစုကလုရှဆီရောက်သွားပါလိမ့်လို့ သိချင်ခဲ့ကြတာ။ ဆိုတော့ ဒါကြောင့်ကိုး။
" ဒါပေမဲ့ အဲ့ဒီလိုဆိုရင်တောင် ခေါင်းဆောင်ကအကောင်းဆုံးအလုပ်တွေကို စီမံခန့်ခွဲနိုင်သင့်တာမဟုတ်လား? တိုင်းပြည်မှာ ဆွေမျိုးသားချင်းတွေနဲ့အလုပ်ကိုလူစားထိုးဖို့ ခွင့်ပြုပေးထားတာပဲ!"
အမေလု တိုက်ရိုက်ပြောလိုက်သည်။
ဒီစကားကြားလိုက်ရတော့ လုရှခေါင်းညိတ်လိုက်ပြီး " ဟုတ်ပါတယ် ခွင့်ပြုထားတယ် ဒါပေမဲ့ ကျွန်မကတာဝန်အတွက်သတင်းမပို့ရသေးဘူးလေ ကျွန်မအလုပ်စမဆင်းရသေးတာကို သူတို့သိသွားရင် တခြားတစ်ယောက်ကိုပေးပစ်လိုက်မှာ စိုးရိမ်မိတယ် ကျွန်မကိုသူတို့မလိုချင်တော့ရင် ဘယ်လိုလုပ်မလဲ? ဘာပဲဖြစ်ဖြစ် သူတို့ကအမှတ်ကောင်းကောင်းရတဲ့လူကို လိုချင်တာလေ ကျွန်မအနောက်ကတစ်ယောက်ကိုတောင် အစားထိုးလိုက်နိုင်တယ်"
သူမရဲ့ရှင်းပြချက်ကိုကြားလိုက်ရတော့ လုမိသားစုဝင်တွေ ထိတ်လန့်အံ့အားသင့်သွားကြသည်။ အမှန်ပဲ ဒီလိုဖြစ်နိုင်ချေရှိတယ်။
YOU ARE READING
အဆုံးမရှိတန်ခိုးထွားလှပါသောအမြောက်စာခင်ပွန်းသည်
FantasyGenre- Drama Fantasy Historical Romance Slice of Life Author(s)- 静似骄阳 Associated Names- 穿书七零：我的炮灰丈夫十项全能 Eng Name- Transmigrating into a Novel: My Cannon fodder husband is almighty This is not my work. JUST FUN TRANSLATION.
