Chapter 23 – ပိုက်ဆံလိုအပ်ခြင်း
သူမထိုကဲ့သို့တွေးပြီး ပိုပြင်ဆင်ထားရမယ်လို့ခံစားလိုက်ရသည်။
ဒါပေမဲ့ သူမမေးမြန်းကြည့်ခဲ့ရာ လက်ရှိအချိန်မှာအိမ်သာသုံးစက္ကူတွေဝယ်ဖို့ လက်မှတ်တွေမလိုဘူးဆိုသော်ငြား ဝယ်ယူမှုကိုကန့်သတ်ထားပြီး လူတစ်ယောက်သည်ပမာဏနည်းနည်းလေးပဲ ဝယ်ယူနိုင်ကြောင်းသိရှိခဲ့သည်။
ထို့ကြောင့် နေရာအမျိုးမျိုးက ထောက်ပံ့ရေးနဲ့ရောင်းဝယ်ဖောက်ကားရေးသမဝါယမဆီသွားပြီး တတ်နိုင်သမျှအကုန်ဝယ်သွားရပေမည်။
မှောင်လာပြီဖြစ်သဖြင့် ဆက်မသွားတော့ပဲ မနက်ဖြန်ကျမှကုန်တိုက်ကိုသွားရန် ကြံရွယ်လိုက်သည်။ ဒီတစ်ကြိမ်ပြန်လာပြီးနောက်တွင် မိသားစုအားလုံးရှိနေသေးသည်။
အမေလုသည်သူမရဲ့ချစ်လှစွာသောအကြီးဆုံးသမီးလေးက နောက်ဆုံးမှာတည်ငြိမ်တဲ့အလုပ်တစ်ခုရသွားတာကြောင့်ဖြစ်မယ် အတော်လေးပျော်နေပုံရသည်။ စားသောက်နေရင်းနဲ့ သူမသမီးကိုမိတ်ဆက်ပေးချင်တဲ့ အလားအလာရှိတဲ့လက်တွဲဖော်အကြောင်း ပြောပြပြီး သူမနဲ့တွေ့ပေးရန် ကောင်းမွန်တဲ့သူတစ်ယောက်ရွေးချယ်ပေးဖို့ ပြင်ဆင်နေသည်။
အဖေလုသည်လည်း ရှားရှားပါးပါးသဘောတူညီစွာ ခေါင်းညိတ်လိုက်သည်။
လုရှသည်လုချိုးပြောခဲ့တာကို မှတ်မိလိုက်ပြီး လုချွမ်ကိုကြည့်လိုက်သည်။ လုချွမ်ရဲ့မျကှနှာအမူအရာသည်မူမမှန်ပေမဲ့ ဘာမှထုတ်မပြောခဲ့ရာ သူမရဲ့အလားအလာရှိတဲ့လက်တွဲဖော်နဲ့ပတ်သတ်ပြီး ဘာမှမသိလိုက်ရပေ။
ဒါပေမဲ့ သူမမိသားစုဝင်တွေရဲ့မျက်နှာတွေအပေါ်က ပျော်ရွှင်မှုပြည့်နေတဲ့အပြုံးတွေကို မြင်လိုက်ရတော့ လုရှသည်အနည်းငယ်စိတ်မသက်မသာခံစားလိုက်ရသည်။ သူမကမကြာခင်ကျေးလက်ကိုသွားရတော့မည်ဆိုတာကို သူတို့ကမေ့နေကြတာဖြစ်နိုင်လောက်သည်။
လုရှသည်မူလကိုယ်ရဲ့ကိုယ်စား ရှင်းပြလို့မရလောက်အောင် မခံမရပ်နိုင်ဖြစ်သွားရသည်။
ထို့ကြောင့် သူမတစ်ခုခုကိုတွေးလိုက်မိပြီး ချက်ချင်းပြောလိုက်သည်။
" အမေ ကျွန်မကကျေးလက်ကိုမကြာခင်သွားရတော့မှာ ကျွန်မအတွက်ပစ္စည်းတွေပြင်ဆင်ပေးမယ်လို့ အမေမပြောခဲ့ဘူးလား? အဆင်သင့်ဖြစ်ပြီလား?
YOU ARE READING
အဆုံးမရှိတန်ခိုးထွားလှပါသောအမြောက်စာခင်ပွန်းသည်
幻想Genre- Drama Fantasy Historical Romance Slice of Life Author(s)- 静似骄阳 Associated Names- 穿书七零：我的炮灰丈夫十项全能 Eng Name- Transmigrating into a Novel: My Cannon fodder husband is almighty This is not my work. JUST FUN TRANSLATION.
