အဆုံးမရှိတန်ခိုးထွားလှပါသောအမြောက်စာခင်ပွန်းသည်

Chapter 52

Chapter 52 – မြစ်ထဲကငါး

.

" ငါ့အဝတ်တွေလျှော်ပေးပါလား?"

ယဉ်ကျေးမှုစိုးစဉ်မရှိပဲ သူမကိုထိုစကားတွေပြောလာသည့်လူကိုကြည့်ရင်း လုရှပြောစရာစကားပျောက်ရှသွားသည်။ သူမကိုဒီလိုမျိုးပြောဖို့ သူမ(ချန်ယွီကျောင်း)ကိုဘယ်သူကသတ္တိတွေပေးလိုက်တာလဲ? သူမကလုရှဆိုတဲ့သူမကို အစေခံတစ်ယောက်လို့များထင်နေတာလား?

ရယ်စရာကောင်းလိုက်တာမှ!

လုရှမျက်နှာထားအေးစက်သွားပြီး ခပ်ပြတ်ပြတ်ငြင်းလိုက်သည်။
" မလုပ်ပေးနိုင်ဘူး!"

သူမရဲ့တည့်တိုးငြင်းဆန်မှုကြောင့် အံ့အားသင့်သွားပုံရပြီး ချန်ယွီကျောင်းသည်ခဏလောက်တုံ့ဆိုင်းသွားပေမဲ့ လက်မလျှော့ခဲ့ပေ။
" ငါနင့်ကိုအလကားမခိုင်းပါဘူး ဆယ်ဆင့်ပေးမှာပါ!"

ဒါပေမဲ့ လုရှကငြင်းဆန်လိုက်တုန်းပါပဲ။
" မလိုဘူး တခြားသူကိုသွားရှာလိုက်"

ထို့နောက် သူမသည်ခပ်ရှင်းရှင်းပဲထွက်သွားသည်။ ဒါကချန်ယွီကျောင်းကိုဒေါသပေါက်ကွဲလုမတတ်ဖြစ်သွားစေသည်။

ဒါပေမဲ့ နေ့လည်စာစားချိန်အတွင်း ရာသီဥတုပူတာကြောင့် အမျိုးသမီးပညာတတ်လူငယ်များသည် အဝတ်လျှော်ရန်မြစ်ကမ်းဘေးသို့ ထွက်လာကြတော့ ယွီဖန်းသည်ချန်ယွီကျောင်းရဲ့အဝတ်အစားတွေလျှော်နေပြီး မနက်ကသူမဝတ်ဆင်ခဲ့တဲ့တူညီတဲ့ဝတ်စုံကိုသတိပြုမိလိုက်ကြသည်။

ဒါကိုမြင်လိုက်ရတော့ လုရှမျက်ခုံးတစ်ဖက်ပင့်လိုက်သည်။ ကြည့်ရတာလုရှဆီမှအငြင်းခံရပြီးနောက်မှာ ချန်ယွီ‌ကျောင်းသည်ယွီဖန်းဆီမှအကူအညီသွားတောင်းခဲ့ပုံရသည်။ အင်းလေ ဒါကယုတ္တိတော့ရှိပါတယ်။ အဝတ်လျှော်ပေးရုံလေးအတွက်နဲ့ ဆယ်ဆင့်ကမ်းလှမ်းထားသဖြင့် ယွီဖန်းသဘောတူခဲ့တာမဆန်းပါဘူး။ ချန်ယွီကျောင်းကလွယ်ကူတဲ့ပစ်မှတ်ကို သူမဘာသာသူမရှာတွေ့ခဲ့တာပဲ။

လုရှငြင်းပယ်ရတဲ့အကြောင်းရင်းနှစ်ခုရှိသည်။ ပထမက သူမမှာငွေမလိုဘူး။ ဒုတိယက ပြဿနာတွေဆွဲဆောင်နိုင်ပုံရတဲ့ ချန်ယွီကျောင်းနဲ့သိပ်ပြီး ပတ်သတ်မှုများများစားစားမရှိချင်ဘူး။ ထို့ကြောင့် လုရှခေါင်းခါပြီး ဒီအကြောင်းတွေးနေတာရပ်လိုက်သည်။