အဆုံးမရှိတန်ခိုးထွားလှပါသောအမြောက်စာခင်ပွန်းသည်

Chapter 85

Chapter 85 –  လက်ထက်မှတ်ပုံတင်ရရှိခြင်း
.

နောက်တစ်ရက်တွင် လုရှသည်အရင်နေ့တွေတုန်းကလိုပဲ ပုံမှန်အချိန်တွင်နိုးလာခဲ့သည်။ မနက်စာစားပြီး လူတိုင်းအလုပ်သွားကြပြီးနောက် လုရှသည်ကျန်းကျွင်းမော့နဲ့အတူ မြို့သို့ထွက်လာကြသည်။

သူတို့ရဲ့အိမ်ထောင်စုမှတ်ပုံတင်တွေက ဒီနေရာမှာရွှေ့ပြောင်းထားပြီးပြီဖြစ်တာကြောင့် လိုအပ်တဲ့စာရွက်စာတမ်းတွေနဲ့ မိတ်ဆက်စာတွေကိုရရှိပြီးနောက်မှာ လက်ထက်မှတ်ပုံတင်ရယူဖို့က လွယ်ကူအဆင်ပြေသွားသည်

ပြည်သူ့ရေးရာဗျူရိုတို့ရောက်ချိန်တွင် လူတွေအများကြီးမရှိတာကြောင့် အထဲဝင်သွားပြီး ဆယ်မိနစ်အတွင်းမှာပြန်ထွက်လာခဲ့ကြသည်။ ထို့နောက် သူတို့လက်ထဲတွင်ဆုတံဆိပ်တစ်ခုနဲ့တူသည့် မှတ်ပုံတင်လေးတစ်ခုရှိလာသည်။

ဒီခေတ်မှာလက်ထပ်မှတ်ပုံတင်တွေက ဒီလိုပုံစံဖြစ်လိမ့်မယ်လို့ လုရှမမျှော်လင့်ထားခဲ့ပေ။ အတော်လေးစိတ်ဝင်စားစရာကောင်းတာကြောင့် သူမကသိချင်စိတ်ပြင်းပြစွာဖြင့် နီးနီးကပ်ကပ်ကြည့်ရှုလိုက်သည်။ မနက်မိုးလင်းကတည်းကရှက်သွေးဖြာနေသည့် ကျန်းကျွင်းမော့ကိုလှည့်ကြည့်လိုက်ပြီး အနည်းငယ်ရယ်စရာကောင်းတယ်လို့ထင်လိုက်သည်။

ထို့ကြောင့် " ဘာဖြစ်လို့လဲ? ရှက်လို့လား? ဒါမှမဟုတ်လက်ထပ်လိုက်ပြီဆိုတဲ့အမှန်တရားကိုလက်မခံနိုင်လို့လား?" ဟုဆိုရင်းသူ့ကိုကျီဆယ်လိုက်သည်။

ကျန်းကျွင်းမော့ ရှက်သလိုခံစားလိုက်ရပြီး အဝေးကိုကြည့်လိုက်ကာ စကားအကြောင်းအရာပြောင်းလိုက်သည်။
" ဒါဆို ကျွန်တော်တို့နောက်ဘာဆက်လုပ်ကြမလဲ?"

သူတုံ့ပြန်မှုကိုမြင်လိုက်ရတော့ လုရှသည်သူ့ကိုဆက်မကျီစယ်ရန်ဆုံးဖြတ်လိုက်ပြီး ခဏလောက်စဥ်းစားကြည့်လိုက်ပြီးမှ အကြံပြုလိုက်သည်။

" ဒီနေ့ကျွန်မတို့အလုပ်သွားစရာမလိုဘူး မြို့ထဲမှာလှည့်ပတ်ကြည့်ပြီး မင်္ဂလာသကြားလုံးနည်းနည်းပါးပါးဝယ်ကြရအောင် ကျွန်မတို့ကမင်္ဂလာဆောင်မကျင်းပပေမယ့် ဂုဏ်ပြုဖို့မင်္ဂလာသကြားလုံးနည်းနည်းပါးပါးတော့ဝယ်သွားသင့်တယ်"