Chapter 48 – မကောင်းတဲ့ရည်ရွယ်ချက်များ
.
ညစာစားစဉ်အတွင်း ကုရှန့်နန်သည်ချန်ယွီကျောင်းကို ကိုယ့်ဘာသာကိုယ်မိတ်ဆက်ရန်ပြောခဲ့သည်။
သူက " ယွီကျောင်းက ကျွန်တော့အိမ်နီးချင်းညီမလေးပါ ငယ်ငယ်လေးထဲကအလိုလိုက်ခံထားရတော့ သူတစ်ခုခုအမှားလုပ်မိတာရှိရင် ကျေးဇူးပြုပြီးသည်းခံပေးကြပါအုံး"
လူသည်ဒီစကားကြားလိုက်ရတော့ သူမကိုဂရုစိုက်ပေးရန် လိုလားမှုကိုထုတ်ဖော်ပြသလိုက်ကြသည်။ ဒါပေမဲ့ သူတို့ရင်ထဲမှာတော့ သိလိုစိတ်ဖြစ်သွားတယ်။ သူတို့နှစ်ယောက်ကဒီတိုင်းအိမ်နီးချင်းသက်သက်ပဲလား? အဲ့ဒီလိုသာဆို သူမကဒီလိုကောင်းမွန်တဲ့အလုပ်ကိုလက်လျှော့ပြီး သူ့နောက်ကနေကျေးလက်ကို ဘာလို့လိုက်လာတာလဲ?
ဒါပေမဲ့ ဘယ်သူကမှဆက်မမေးမြန်းခဲ့ကြပေ။
ထိုအချိန်တွင် ချန်ယွီကျောင်းသည်လက်ဦးမှုယူကာပြောလိုက်သည်။
" ကျွန်မကအစ်ကိုရှန့်နန်ရဲ့အိမ်နီးချင်းညီမလေးဖြစ်ရုံတင်မကဘူး အစ်ကို့ရဲ့ကလေးဘဝတည်းကသတို့သမီးလောင်းလည်းဟုတ်ပါတယ် ကျွန်မတို့မိသားစုတွေက ကျွန်မတို့မွေးကတည်းက စေ့စပ်ကြောင်းလမ်းပေးထားတာပါ!"သူမစကားတွေကိုကြားလိုက်ရတဲ့အခါ လူတိုင်းသည်ချက်ချင်းနားလည်သွားကြသည်။ အမှန်ပဲ သူမကသူ့ရဲ့စေ့စပ်ထားတဲ့သူကိုး။ မဆန်းတော့ပါဘူး။
ဒါပေမဲ့ သူတို့အားမကျမိပဲမနေနိုင်ပေ။ ကုရှန့်နန်ရဲ့စေ့စပ်ထားသူက သူ့အတွက်အများကြီးလုပ်ပေးဖို့ဆန္ဒရှိပြီး သူ့ကိုအဖော်ပြုပေးရန် သူမအလုပ်ကိုပင်စွန့်လွှတ်ခဲ့သည်။ ဒါကအတော်လေးကို ရင်ထဲထိစရာပဲ။
ဒါပေမဲ့ ကုရှန့်နန်သည်သူမပြောတာကြားလိုက်ရတော့ မသိစိတ်နဲ့အလိုလိုမျက်မှောင်ကျုံ့သွားပြီး " ဘာအဓိပ္ပါယ်မရှိတာတွေပြောနေတာလဲ? ဒါကငါတို့ကလေးတုန်းက လူကြီးတွေစခဲ့တဲ့ဟာသတစ်ခုသက်သက်ပဲ ဒါကိုအလေးအနက်မမှတ်ယူခဲ့ကြပါဘူး"
သူကစကားပြောရင်းနဲ့ စူးမန့်ကိုတစ်ချက်လှမ်းကြည့်လိုက်ပေမဲ့ စူးမန့်ကသူ့ကိုမကြည့်လာခဲ့ပေ။
YOU ARE READING
အဆုံးမရှိတန်ခိုးထွားလှပါသောအမြောက်စာခင်ပွန်းသည်
FantasyGenre- Drama Fantasy Historical Romance Slice of Life Author(s)- 静似骄阳 Associated Names- 穿书七零:我的炮灰丈夫十项全能 Eng Name- Transmigrating into a Novel: My Cannon fodder husband is almighty This is not my work. JUST FUN TRANSLATION.