Chapter 67 – အမေဟူရဲ့စကားများ
.
လူတိုင်းသည်ဆွေးနွေးနေကြစဉ် အဒေါ်ကြီးတစ်ယောက်အပြေးအလွှားရောက်လာခဲ့သည်။
ကျိုးလိုင်အာကိုလက်ထပ်မယ်ဆိုတဲ့ ဟူကျန့်ကျွင်းရဲ့ကြေငြာချက်ကိုကြားလိုက်ရတဲ့အခါ သူမကချက်ချင်းကန့်ကွက်လိုက်သည်။
" ငါသဘောမတူဘူး! ဒီပညာတတ်လူငယ်ကျိုးကိုမင်းလက်ထပ်မှာငါသဘောမတူဘူး မင်းစကားတွေကိုပြန်ရုတ်သိမ်းလိုက်စမ်း ပညာတတ်လူငယ်ချန်းနဲ့လက်ထပ်လိုက်ကြရအောင် ပညာတတ်လူငယ်ချန်းကိုပဲငါ့ချွေးမဖြစ်စေချင်တယ်!"
ဒီစကားတွေကြားလိုက်ရတော့ ကျိုးလိုင်အာသည်ပို၍ပင်နှလုံးကွဲကြေသွားကာ နောက်တစ်ကြိမ်ထပ်ပြီး သေခြင်းရှင်ခြင်းကိုရှာဖွေလိုက်ပြန်သည်။
ဟူကျန့်ကျွင်း မျက်မှောင်ကျုံ့သွားပြီး " အမေ ကျွန်တော်စိတ်ဆုံးဖြတ်ပြီးသွားပြီ ဒီကိစ္စကအတည်ဖြစ်သွားပြီ အမေ ပညာတတ်လူငယ်ကျိုးကို သေဖို့ဖိအားပေးချင်နေတာလား?"
ဒီစကားတွေကြားလိုက်ရတော့ အမေဟူသည်မှင်သက်အံ့ဩသွားခဲ့သည်။ သူမသားဖြစ်သူရဲ့လတ်တလောရာထူးတိုးအကြောင်း တွေးလိုက်ပြီး မမျှော်လင့်ထားတဲ့အဖြစ်အပျက်တစ်ခုကိုမှ မဖြစ်ပျက်စေချင်ပေ။ သူမသည်အနည်းငယ်မသေချာမရေရာသလို ခံစားရပေမယ့် ဒီပညာတတ်လူငယ်ကျိုးကိုတော့ အမှန်တကယ်သဘောမကျပေ။
သူမကကူကယ်ရာမဲ့စွာဖြင့် မျက်ရည်တွေသုတ်ကာပြောလိုက်သည်။
" စေတနာကောင်းတွေကတော့အမြဲတမ်းကောင်းမွန်တဲ့ရလဒ်မရဘူးဆိုတဲ့စကားက တကယ်မှန်တာပဲ လူတစ်ယောက်ကိုကယ်လိုက်တာက ဒီလောက်ပြဿနာတွေအများကြီးကိုဖြစ်စေတယ် နောက်ဆို ဘယ်သူကသူများတွေကိုကယ်ပေးရဲတော့မှာလဲ? ရွာထဲကတစ်ယောက်ယောက်ကမိန်းကလေးတစ်ယောက်ကိုသဘောကျမိရင် အဲဒီမိန်းကလေးကိုမြစ်ထဲတွန်းချပြီး ကယ်ပေးလိုက်ရုံပဲမဟုတ်ဘူးလား အဲဒီမိန်းကလေးရဲ့ဂုဏ်သိက္ခာညှိုးနွမ်းသွားမှာဖြစ်တဲ့အတွက် သူ့မှာလက်ထပ်ဖို့ကလွဲပြီးရွေးချယ်စရာရှိမှာမဟုတ်တော့ဘူးပေါ့"
သူမစကားတွေပြောလို့ဆုံးသွားတာနဲ့ ရွာထဲကသမီးတွေရှိတဲ့မိသားစုတွေသည် ကြောက်ရွံ့မှုကိုခံစားလိုက်ကြရသည်။
YOU ARE READING
အဆုံးမရှိတန်ခိုးထွားလှပါသောအမြောက်စာခင်ပွန်းသည်
幻想Genre- Drama Fantasy Historical Romance Slice of Life Author(s)- 静似骄阳 Associated Names- 穿书七零：我的炮灰丈夫十项全能 Eng Name- Transmigrating into a Novel: My Cannon fodder husband is almighty This is not my work. JUST FUN TRANSLATION.
