Chapter 89 – ကျန်းကျွင်းမော့သည်ရေနစ်လုနီးပါး
.
နောက်တစ်ရက်တွင် ကောက်ပဲသီးနှံတွေရိတ်သိမ်းပြီးခါစဖြစ်တာကြောင့် ရွာထဲမှာလုပ်စရာအလုပ်များများစားစားမရှိပေ။ ထို့ပြင် လူအများအပြားသည်ဆောင်းဦးရိတ်သိမ်းချိန်ကိုအပြေးအလွှားအဆုံးသတ်ခဲ့ရတာကြောင့် ခြေကုန်လက်ပန်းကျနေကြသဖြင့် လတ်တလောတွင်အလုပ်မလုပ်ပဲ အနားယူနေကြသည်။
ဒါပေမဲ့ လုရှမနက်ခင်းနိုးလာချိန်တွင် အပူချိန်အနည်းငယ်ကျဆင်းနေသလိုခံစားလိုက်ရသည်။ အပြင်ဘက်တွင်အေးစိမ့်ရာ အပြင်ထွက်လိုက်ချိန်မှာ မတုန်ယင်သွားပဲမနေနိုင်ပေ။ သူမအထဲပြန်ဝင်ပြီး အပြင်မထွက်ခင်အဝတ်အစားတွေထပ်ဝတ်လိုက်သည်။
သူမအပြင်ရောက်တော့ ကျန်းကျွင်းမော့သည်ဂွမ်းကတ်အနွေးထည်ဝတ်ဆင်ထားပြီးဖြစ်တာကိုမြင်လိုက်ရပြီး ပြောစရာစကားပျောက်ရှသွားသည်။ ဒီလူအအေးကိုဘယ်လောက်တောင်ကြောက်တာလဲဟ? ဒါကဆောင်းတွင်းမှာအအေးဆုံးအချိန်တောင်မဟုတ်သေးဘူး။ သူကဂွမ်းကပ်အနွေးထည်တွေဝတ်ထားပြီးပြီ။
နှစ်ယောက်သားကအခုမှလက်ထပ်မှတ်ပုံတင်ယူထားပြီးခါစဖြစ်ပေမဲ့ အတူတူမနေကြသေးပေ။ ဒါပေမဲ့ ကျန်းကျွင်းမော့သည်သူတို့တွေ့တဲ့အခါ အထူးသဖြင့်ပညာတတ်လူငယ်များနေရာကတခြားသူတွေဆီက စနောက်တာတွေနဲ့ကြုံရတဲ့အခါမှာ အနည်းငယ်ရှက်နေသေးသည်။
တစ်ဖက်တွင် လုရှသည်အရေပြားထူထူရှိပြီး လူတိုင်းအရှေ့မှာပင်ကျန်းကျွင်းမော့ကိုစကားပြောလိုက်သည်။
" ဒီနေ့ကျွန်မတို့ရွာလူကြီးကိုအိမ်ဆောက်ဖို့အကြောင်းသွားပြောကြမယ် ရှင်သွားမလား ကျွန်မသွားရမလား ဒါမှမဟုတ် အတူတူသွားကြမလား?"
ကျန်းကျွင်းမော့ဘက်ကအရင်အစပြုလိုက်သည်။
" ကျွန်တော်သွားလိုက်မယ် တဖြေးဖြေးနဲ့ပိုအေးလာပြီ ရာသီဥတုကအရမ်းအေးတယ် မင်းကအိမ်ထဲမှာပဲနေ အပြင်မထွက်နဲ့"
လုရှခေါင်းညိတ်လိုက်သည်။
" ဒါလည်းအဆင်ပြေတာပဲ ရှင်အရင်သွားပြီး ဆောက်လုပ်ရေးအသေးစိတ်နဲ့ တည်နေရာကိုမေးမြန်းခဲ့လိုက် ရာသီဥတုအရမ်းအေးမလာခင် ပြီးအောင်ဆောက်ဖို့ကြိုးစားကြတာပေါ့"
आप पढ़ रहे हैं
အဆုံးမရှိတန်ခိုးထွားလှပါသောအမြောက်စာခင်ပွန်းသည်
काल्पनिकGenre- Drama Fantasy Historical Romance Slice of Life Author(s)- 静似骄阳 Associated Names- 穿书七零：我的炮灰丈夫十项全能 Eng Name- Transmigrating into a Novel: My Cannon fodder husband is almighty This is not my work. JUST FUN TRANSLATION.
