Chapter 79 – ချန်းအာ့
.ထိုလူကိုသူမချက်ချင်းမှတ်မိသွားတယ်။ ရွာရဲ့ပြဿနာကောင်ချန်းအာ့ပဲ။
လုရှသည်မူလကဒီဘဝမှာ သူ့ကိုသူမဘက်ကသွားရန်မစသရွေ့ သူကသူမကိုလွှတ်ပေးလိမ့်မယ်လို့ တွေးခဲ့သည်။ ဒါပေမဲ့ သူကပြဿနာလာရှာအုံးမယ်လို့ သူမမထင်ထားခဲ့ပေ။ သူမတကယ်ပဲဒင်းကိုနောက်တစ်ခေါက်လောက်ထပ်ကန်ပြီး ဖျက်ဆီးပစ်လိုက်ချင်ပေမဲ့ ကျန်းကျွင်းမော့ကဒီနေရာမှာရှိနေတာကြောင့် သူမအကြမ်းပတမ်းကြီးပြုမူလို့မရပေ။
ထို့ပြင် ချန်းအာ့ရဲ့ဂုဏ်သတင်းကမကောင်းစေကာမူ သူကရွာသားတစ်ယောက်ဖြစ်နေဆဲဖြစ်ကာ ချန်းမိသားစုရဲ့တစ်ဦးတည်းသောကလေးဖြစ်သည်။ ကိစ္စတွေအရမ်းတင်းမာသွားရင် အနာဂတ်မှာသူမအတွက် ရွာထဲမှာလွယ်ကူတဲ့အချိန်တွေမရှိနိုင်လောက်ပေ။
ထို့ကြောင့် သူမဆန္ဒမရှိသော်ငြား သူမမှာရပ်တန့်ဖို့ကလွဲပြီး ရွေးချယ်စရာမရှိပေ။ အေးစက်စက်မျက်နှာထားဖြင့် လုရှသည်မြေပြင်ပေါ်ကလူကို ငုံ့မိုးကြည့်ပြီးမေးလိုက်သည်။
" ပြော နင်ဘာလို့ငါ့နောက်ခိုးကြောင်ခိုးဝှက်လိုက်နေတာလဲ?"
ချန်းအာ့သည်မူးဝေလာသည်အထိ ခေါင်းကိုတုတ်နဲ့အရိုက်ခံခဲ့ရပြီး ခန္ဓာကိုယ်ကိုအထပ်ထပ်အခါခါ အရိုက်ခံခဲ့ရတော့ အခုချိန်မှာတစ်ကိုယ်လုံးနာကျင်နေသည်။ အခု သူမစကားပြောလိုက်သဖြင့် အလျင်အမြန်အသနားခံလိုက်သည်။
" ကျုပ်မှားသွားပါတယ် ကျုပ်မလုပ်ရဲတော့ပါဘူး ချမ်းသာပေးပါ မမလေး"ဒါပေမဲ့ လုရှသည်မယိမ်းယိုင်သွားခဲ့ပဲ သူ့ကိုနောက်တစ်ကြိမ်ကြမ်းကြမ်းလေးရိုက်နှက်ပေးလိုက်သည်။
" ပြောစမ်း နင်ဘာလို့ငါ့နောက်ကိုလိုက်နေတာလဲ?"" အားး! ကျုပ်ပြောမယ် ပြောပြပါ့မယ်! ကျေးဇူးပြုပြီးရပ်ပါတော့ မရိုက်ပါနဲ့တော့ နာတယ်!"
ထိုတော့မှသာလုရှလက်ပိုက်ပြီး အေးစက်စက်မျက်နှာထားကိုဆက်ထိန်းသိမ်းထားသည်။
" ဒါဆို ပြောစမ်း!"ချန်းအာ့သည်လုရှကိုသတိထားလျက်တစ်ချက်ကြည့်လိုက်ပြီး ထိန်းမရအောင်တုန်ယင်သွားကာ သူမကိုရန်စမိတဲ့အတွက် နောင်တရမိသွားသည်။ နူးညံ့သိမ်မွေ့တဲ့အမျိုးသမီးတစ်ယောက်ဖြစ်ဟန်ရတဲ့သူတစ်ယောက်က ဒီလောက်ကြမ်းတမ်းရက်စက်မယ်လို့ သူ့မှာလုံးဝမထင်ထားခဲ့ပေ။
ВИ ЧИТАЄТЕ
အဆုံးမရှိတန်ခိုးထွားလှပါသောအမြောက်စာခင်ပွန်းသည်
ФентезіGenre- Drama Fantasy Historical Romance Slice of Life Author(s)- 静似骄阳 Associated Names- 穿书七零:我的炮灰丈夫十项全能 Eng Name- Transmigrating into a Novel: My Cannon fodder husband is almighty This is not my work. JUST FUN TRANSLATION.