Chapter 97 – ငွေလွှဲပေးခြင်း
.လုရှရဲ့စကားတွေကိုနားထောင်ပြီးနောက် ကျန်းကျွင်းမော့သည်ခေါင်းညိတ်ပြီး ခေါင်းအုံးအောက်လက်နှိုက်လိုက်သည်။
" မနက်ကမင်းထွက်သွားတာမြန်လွန်းလို့ ကျွန်တော်မင်းကိုပိုက်ဆံပေးဖို့အချိန်မရလိုက်ဘူး ဒါကိုအရင်ယူထားနှင့်ပါ မလောက်ဘူးဆိုရင်ကျွန်တော့်ကိုပြောပါ"သူကပြောပြီး သူမကိုပိုက်ဆံခပ်ထူထူအထပ်လိုက်ကမ်းပေးလာပြီး အနည်းဆုံးယွမ်၃၀၀လောက်ရှိမည်ထင်ရကာ လက်မှတ်တွေလည်းအများအပြားပါသည်။ သူကမ်းပေးလာတဲ့ပိုက်ဆံတွေကိုမြင်လိုက်ရတော့ လုရှပြုံးလိုက်ပြီး " ကျွန်မတို့ဒီလောက်အများကြီးမလိုပါဘူး အိမ်တစ်ခုလုံးဆောက်လုပ်စရိတ်က အများဆုံးမှ၁၅၀ယွမ်ပဲကုန်ကျမှာ တခြားအပိုကုန်ကျစရိတ်တွေနဲ့တောင် ယွမ်၂၀၀ကိုမကျော်ဘူး ကျွန်မတို့တစ်ယောက်ကိုယွမ်၁၀၀ဆီစိုက်နိုင်တယ်"
အနည်းငယ်မျက်မှောင်ကျုံ့သွားလျက် ကျန်းကျွင်းမော့သည် " မင်းပိုက်ဆံတွေကိုသိမ်းထားလိုက် ကျွန်တော်ပေးမယ် ဒီငွေတွေကိုလက်ခံလိုက်ပါ နောက်ဆိုအိမ်အတွက်ငွေလိုလာတိုင်း ကျွန်တော့်ဆီကပေးမယ်"
လုရှနောက်ထပ်တစ်ခုခုပြောချင်နေသေးတာကိုမြင်လိုက်ရတော့ သူကသူမစကားကိုဖြတ်ချလိုက်သည်။
" ယူလိုက်ပါ ကျွန်တော်တို့ကလက်ထပ်ပြီးပြီ မင်းကအိမ်မှာငွေကြေးစီမံခန့်ခွဲဖို့ တာဝန်ရှိတဲ့သူပဲလေ မဟုတ်ဘူးလား?"သူ့စကားတွေကြားလိုက်ရတော့ လုရှမျက်ခုံးတစ်ဖက်ပင့်လိုက်သည်။ ဒီလူကအပြောင်းအလဲမြန်လိုက်တာမှ သူမတို့ဘာကြောင့်လက်ထပ်ခဲ့ကြသလဲဆိုတဲ့အကြောင်းရင်းကို မေ့သွားသည့်အလားပဲ။ ဒါပေမဲ့ သူမထပ်မငြင်းလိုက်တော့ပေ။
" ဒါဆိုလည်းကောင်းပါပြီ အခုတော့ကျွန်မလက်ခံလိုက်မယ် ဒါပေမဲ့ ရှင့်အတွက်ပိုက်ဆံကျန်သေးရဲ့လား? ရှင့်အတွက်နည်းနည်းယူထားအုံးမလား?"
ကျန်းကျွင်းမော့သည် သူမစကားကြားလိုက်ရတော့ သူမကိုကြည့်ဖို့အနည်းငယ်ရှက်သလိုခံစားလိုက်ရပြီး အကြည့်ချင်းမဆုံအောင်ရှောင်ကာ ပြန်ဖြေလိုက်သည်။
![](https://img.wattpad.com/cover/357709462-288-k907570.jpg)
YOU ARE READING
အဆုံးမရှိတန်ခိုးထွားလှပါသောအမြောက်စာခင်ပွန်းသည်
FantasyGenre- Drama Fantasy Historical Romance Slice of Life Author(s)- 静似骄阳 Associated Names- 穿书七零:我的炮灰丈夫十项全能 Eng Name- Transmigrating into a Novel: My Cannon fodder husband is almighty This is not my work. JUST FUN TRANSLATION.